რიანა სცენაზე ანანტ ამბანისა და რადიკა მერჩანტის ქორწილში გამართული კონცერტით დაბრუნდა. ღონისძიება 1 მარტს, ინდოეთში, ჯამნაგარში გაიმართა.
მომღერალი და Fenty Beauty-ის დამფუძნებელი რიანა ინდოეთში მდიდრული საქორწილო წვეულების მონაწილე იყო, სადაც მუსიკოსი მეუღლესთან A$AP Rocky-თან ერთად ჩავიდა. მილიარდერი წყვილის ანანტ ამბანისა და რადიკა მერჩანტის 1200 კაციანი ქორწილის სტუმართა სიაში, რიანა, ბილ გეითსი, მარკ ცუკერბერგი, საუნდერ პიჩა, ივანკა ტრამპი და ბოლივუდის ცნობილი მსახიობი შაჰ რუხ ხანიც იმყოფებოდნენ.
ანანტ ამბანი მულტიმილიარდერ მუკეშ ამბანის შვილია, ხოლო რადიკა მერჩანტი მეგა კომპანიების მფლობელი ცნობილი ბიზნესმენის, ვირენი ეი მერჩანტის ქალიშვილი.
„ზუსტად რვა წელია, რაც ნამდვილი შოუ არ დამიდგამს, ეს შოუ კი საუკეთესო იყო.“ – ამბობს რიანა კონცერტის შემდეგ პაპარაცების მიერ გადაღებულ ვიდეოში.
მიუხედავად იმისა, რომ რიანა შარშან Super Bowl-ის შოუში და ოსკარის ცერემონიაზე პერფორმანსით წარდგა, მას 2016 წლის მსოფლიო ტურნეს შემდეგ სრული კონცერტი არ გაუმართავს. გავრცელებული ინფორმაციით, საქორწინო ღონისძიებაზე რიანამ 19 სიმღერა შეასრულა და სოლიდური ჰონორარიც მიიღო.
მულტიმილიონერ ამბანის დინასტია თავისი ექსტრავაგანტური საქორწილო დღესასწაულებით არის ცნობილი. 2018 წელს, როდესაც მუკეშის ქალიშვილი იშა დაქორწინდა, ღონისძიებაზე ბიონსემ იმღერა, ხოლო, როდესაც 2019 წელს ცნობილი მაგნატის უფროსმა ვაჟმა, აკაშმა იქორწინა, წვეულებაზე Coldplay და The Chainsmokers მიიწვიეს.
ნახეთ სოციალურ მედიაში გავრცელებული ვიდეოები რიანას ინდოეთში ყოფნის შესახებ:
Rihanna in India 🤍 pic.twitter.com/K44nZ6JBL0
— 𝖌𝖆𝖇 (@gabgonebad) March 2, 2024
rihanna is back 😭 pic.twitter.com/7dDRGyzNGO
— 𝖌𝖆𝖇 (@gabgonebad) March 2, 2024
Rihanna performing “Work” in India tonight. https://t.co/gmw1ff2LcP
— FentyStats (@FentyStats) March 1, 2024
Rihanna sentindo cada palavra de Umbrella 😭 https://t.co/fZMQ2MU6Xy
— Rihanna Online (@RihannaOnlineBR) March 1, 2024
Rihanna – Stay (Índia Show). pic.twitter.com/q427qWzjo9
— ʀɪʜᴀɴɴᴀ ᴍᴏᴍᴇɴᴛs (@rihannamoments_) March 1, 2024
