ტეილორ სვიფტმა სინგაპურთან ოჯახურ კავშირზე ისაუბრა

„მთელი ცხოვრებაა, სინგაპურის შესახებ მესმის,” – უთხრა სვიფტმა თაყვანისმცემლებს სინგაპურის ეროვნულ სტადიონზე.
ტეილორ სვიფტი Eras Tour-ში
Tom Cooper/TAS23/Getty Images for TAS Rights Management

ტეილორ სვიფტს სინგაპურთან ოჯახური ისტორია აკავშირებს. ამის შესახებ მომღერალი თაყვანისმცემლებს სინგაპურის ეროვნულ სტადიონზე გამართულ კონცერტზე ესაუბრა. 

„დედაჩემს ბავშვობის დიდი ნაწილი სინგაპურში აქვს გატარებული. აქ იზრდებოდა მშობლებსა და დასთან ერთად,” – თქვა სვიფტმა. მუსიკოსი, რომელმაც ბებიისადმი მიძღვნილი ემოციური კომპოზიციის, Marjorie-ს სიმღერა დაასრულა, როიალს მიუჯდა და Everemore-ის აკორდების ფონზე მაყურებელს დედის, ანდრეა სვიფტის ბავშვობის ისტორია გაუზიარა.

„ბევრჯერ, როცა აქ ტურნეს ფარგლებში ჩამოვსულვართ, დედაჩემს თავის ძველ სახლთან და სკოლასთან მივუყვანივარ. მთელი ცხოვრებაა, სინგაპურის შესახებ მესმის. აქ ჩამოსვლა და ამხელა კონცერტის შესრულება ამდენ ლამაზ და კეთილშობილ ადამიანთან ერთად, რომლებმაც ჩემს ოჯახს პატივი მიაგეს იმით, რაც ახლა თქვენ ამ სიმღერაზე (Marjorie) გააკეთეთ, ეს ჩემთვის ყველაფერს ნიშნავს.”

მუსიკოსმა დედის სინგაპურთან კავშირზე ადრეც ისაუბრა – სინგაპურის გაზეთისთვის 2016 წელს მიცემულ ინტერვიუში. მაშინ სვიფტმა ჟურნალისტს უთხრა, რომ ბაბუა, რომელიც საინჟინრო კომპანიაში იყო დასაქმებული, სამუშაოდ სწორედ სინგაპურში უნდა გადასულიყო. ასე რომ, დედაც თავისთავად სინგაპურში გაიზარდა. 

რაც შეეხება მუსიკალურ სიახლეებს, კვირას სვიფტმა ახალი ალბომის შესახებ განცხადება გაავრცელა და გაამხილა, რომ The Tortured Poets Department-ის მეოთხე და საბოლოო ვარიანტი მოიცავს ბონუს ტრეკს, სახელწოდებით The Black Dog. პროექტ Tortured Poets-ის დანარჩენი სამი ვერსიის თითოეულ ვარიანტში სხვადასხვა ბონუს სიმღერა შედის: The Manuscript, The Bolter და The Albatross. ალბომი 19 აპრილს გამოვა. 

ნახეთ სვიფტის ვიდეო სინგაპურის სტადიონიდან:

Share
Tweet
Share
Share
Share

წინა სტატია

ჯასტინ ბიბერი და პეტი მალეტი, 2020 წლის 27 იანვარი, კალიფორნია. ფოტო: კევინ მაზური.

ჯასტინ ბიბერის დედა შვილის 30 წლის იუბილეზე მისი ბავშვობის ფოტოებს აზიარებს

შემდეგი სტატია

ნანი ბრეგვაძე და მანანა მენაბდე ქართული ბრენდის Situationist-ის სარეკლამო კამპანიის სახეები არიან

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი