ქართულმა ბრენდმა, სახელწოდებით Situationist ნანი ბრეგვაძე და მანანა მენაბდე სარეკლამო კამპანიაში გადაიღო. მუსიკოსები ბრენდის 2024 წლის შემოდგომა/ზამთრის კოლექციის სახეები არიან. Situationist-ის შემოქმედებითი ხელმძღვანელი დიზაინერი ირაკლი რუსაძეა, ხოლო ფოტო დავით გიორგაძეს ეკუთვნის.
დავით გიორგაძე მსოფლიო მოდის ფოტოგრაფიაში წარმატებით მოღვაწეობს. მის ობიექტივში სხვადასხვა დროს მოხვდნენ: ბილი აილიში, ტიმოთი შალამე, The Weeknd, კენდალ ჯენერი, პამელა ანდერსონი, ბიანკა ბალტი და სხვა მსოფლიო ვარსკვლავები. გიორგაძემ სხვადასხვა დროს ითანამშრომლა ისეთ მედია გამოცემებთან, როგორებიც არის: კორეული Vogue, Dazed და სხვა. ქართველ ფოტოგრაფს ასევე ნამუშევარი აქვს წამყვანი მოდის სახლების კამპანიებზე, მათ შორის არის GUCCI, Burberry, Etro და ასე შემდეგ.
რაც შეეხება Situationist-ს, ის ქართული ბრენდია, რომელიც არაერთხელ მოხვდა პარიზის მოდის კვირეულის ოფიციალურ განრიგში. მოდის სახლის კამპანიებში ხშირად აქცენტირებულია ქართული ტრადიციები, ისტორია, ეთნოგრაფიული, თუ კულტურული მემკვიდრეობის ელემენტები.
იხილეთ Situationist-ის ოფიციალურ ინსტაგრამზე გამოქვეყნებული ფოტოები, რომლებზეც ნანი ბრეგვაძე და მანანა მენაბდე არიან აღბეჭდილი:
