Black Sabbath-ის სინგლის Paranoid-ის გამოსვლიდან ხუთ ათწლეულზე მეტი გავიდა, თუმცა სიმღერა აქტუალობას არ კარგავს და ის Spotify-ის ე.წ. მილიარდიან კლუბს უერთდება.
მძიმე მეტალის ჟანრის კლასიკად აღიარებული სიმღერა Black Sabbath-ის 1970 წელს გამოსულ ალბომში შედის. Paranoid ბრიტანეთის ოფიციალური სინგლების ჩარტში მეოთხე ადგილს იკავებს, ბილბორდ საუკეთესო 100-ში კი 61-ე ადგილზეა.
„Paranoid ზუსტად ხუთ წუთში, სტუდიაში მუშაობისას დაიწერა. ალბომის შესავსებად სამწუთიანი ტრეკი გვჭირდებოდა. ტონიმ გიტარაზე შესავალი მოიგონა, მე სწრაფად დავწერე ტექსტი და ოზიმ სიმღერა შეასრულა.“- განაცხადა Black Sabbath-ის ბას გიტარისტმა გიზერ ბატლერმა 2004 წელს გამართულ ღონისძიებაზე Guitar World.
All that’s occupying our brain is that @BlackSabbath’s Paranoid is the newest member of the #BillionsClub 🖤 https://t.co/J6oVMfWAcz pic.twitter.com/0cdHiWDvzg
— Spotify (@Spotify) March 4, 2024
Black Sabbath-ის სიმღერათა კატალოგში Paranoid-ს ერთ-ერთი უმნიშვნელოვანესი ადგილი უჭირავს.
Black Sabbath როკ-ენ-როლის დიდების დარბაზში 2006 წელს შევიდა.
„Black Sabbath-ის სინგლი Paranoid Spotify-ზე მილიარდ სტრიმს აგროვებს, ეს კი იმის მტკიცებულებაა, რომ კარგი მუსიკა წლების მერეც უკვდავია.“ – აღნიშნავს BMG-ის ვიცე პრეზიდენტი, ჯეიმს ფარელი.
2008 წელს Spotify-ის კომერციალიზაციის შემდეგ ე.წ. მილიარდიან კლუბში ჯამში 581 სიმღერაა შესული.
