ჯასტინ ტიმბერლეიკის ახალი ალბომის გამოცემამდე ორ კვირაზე ნაკლები რჩება. ორშაბათს მომღერალმა თაყვანისმცემლებს უზარმაზარი ბილბორდის მეშვეობით ალბომში შესული სიმღერების სრული სია გაუმხილა.
ლოს-ანჯელესში მდებარე მრავალფუნქციური შენობის, The Reef-ის თავზე განთავსებულ სპოტიფაის ბილბორდზე მომღერლის ახალი ალბომის სიმღერების სრული სიაა წარმოდგენილი. 18 კომპოზიციიდან სამში მოწვეული სტუმრები არიან მითითებული: Fireboy DM, Tobe Nwigwe და ტიმბერლეიკის ბენდი *NSYNC. Სიაში შედის უკვე გამოცემული სინგლებიც – Drown და Selfish.
Everything I Thought It Was ტიმბერლეიკის პირველი სრული ალბომი იქნება 2018 წელს გამოცემული Man of the Woods-ის შემდეგ. ალბომის სინგლმა Selfish უკვე მოიპოვა წარმატება და Billboard Hot 100-ის მე-19 ადგილზე მოხვდა, რაც ბოლო ექვსი წლის განმავლობაში მომღერლისთვის ყველაზე მაღალი შედეგია.
აპრილში ტიმბერლეიკი Forget Tomorrow World Tour ტურნეში მიდის. აშშ-სა და კანადის შემდეგ მომღერალმა ევროპის კონცერტებიც დააანონსა.
ნახეთ ტიმბერლეიკის ახალ ალბომში შესული სიმღერების ჩამონათვალი ბილბორდზე:
