მადონა ოსკარის დაჯილდოების შემდეგ გამართულ წვეულებას ინსტაგრამის პოსტით გამოეხმაურა, სადაც ის დაჯილდოების მთავარ გამარჯვებულებს შეხვდა.
„ოსკარის წვეულება სახალისო იყო,”- წერს პოპ ვარსკვლავი სოციალურ ქსელში. „ძალიან ბედნიერი ვარ, რომ ჩემს საყვარელ მსახიობს შევხვდი”. ამის შემდეგ მადონამ ე.წ. ჰეშთეგით კილიან მერფის სახელი მიუთითა. ფოტოებზე მადონას მარია ანტუანეტას იმიჯით შთაგონებული კოსტიუმი აცვია. ერთ-ერთ კადრში კი მომღერალი თავად კილიან მერფისთან ერთად არის გადაღებული.
ამავე პოსტში მადონამ კილიან მერფის გამარჯვება მიულოცა. 10 მარტს მერფი ფილმ „ოპენჰაიმერში” შესრულებული მთავარი როლისათვის საუკეთესო მამაკაცი მსახიობის ნომინაციის გამარჯვებული გახდა და ოსკარი მიიღო.
აღსანიშნავია რომ ოსკარის დაჯილდოების დახურული წვეულების მასპინძელი თავად მადონა იყო. ამ წვეულებას უამრავი ცნობილი ადამიანი ესწრებოდა, მათ შორის რობერტ დე ნირო, მეთიუ მაკკონაჰი, ჯოდი ტერნერ-სმითი, ლენი კრავიცი, სალმა ჰაიეკი და სხვები. ბრიტანული Vogue-ის ცნობით, ექსკლუზიური წვეულების სტუმრებს შორის ასევე იყვნენ ტეილორ სვიფტი და ტრევის კელსი. ღონისძიებაზე მობილური ტელეფონის გამოყენება აკრძალული იყო.
