სამხედრო სამსახურში წასვლის შემდეგ BTS-ის V-იმ თავისი პირველი პროექტი გააზიარა – სოლო სინგლი სახელწოდებით FRI(END)S. სრულად ინგლისურენოვანი კომპოზიცია 15 მარტს გამოვიდა. ის მოსდევს 2023 წლის სექტემბერში გამოცემულ EP-ის Layover.
ჯარში წასვლამდე V-იმ გულშემატკივარს გაუზიარა, რომ 18-თვიანი წვრთნის განმავლობაში ბევრი სიახლე ჰქონდა დაგეგმილი. „ძალიან მომენატრებით. რეალურად, მწყინს, რომ ამ დროში ჩემს ARMY-სთან (BTS–ის ფანების გაერთიანების ოფიციალური სახელწოდება) ბედნიერ მოგონებებს ვერ დავაგროვებ. ყველაზე რთული თქვენთან განშორებაა,” – წერდა დეკემბერში მომღერალი.
სიმღერა FRI(END)S V-იმ პირველად სოციალურ მედიაში 3 მარტს დააანონსა და თან რამდენიმე ფოტო და ვიდეო თიზერიც დაურთო.
როგორც სოლო შემსრულებელი, V ამ დრომდე სამჯერ მოხვდა Billboard Hot 100-ში. მისი საუკეთესო შედეგი 51-ე ადგილია, რომელზეც 2023 წელს გამოშვებული Slow Dancing გავიდა.
მოუსმინეთ სიმღერას FRI(END)S:
