მსახიობ ბილი პაიპერის თქმით, ემი უაინჰაუსს სკოლაში აბულინგებდნენ

უაინჰაუსი და პაიპერი ლონდონში, სილვია იანგის თეატრალურ სკოლაში ერთად სწავლობდნენ.
ფოტო: დენიელ ბოჩარსკი/Redferns

ინგლისელი მსახიობო და წარსულში მომღერალი ბილი პაიპერი თავისი ბავშვობის მეგობარ ემი უაინჰაუსს და სკოლაში გატარებულ წლებს იხსენებს. მსახიობი პოდკასტში სახელწოდებით Table Manners სტუმრად იყო მიწვეული, სადაც თქვა, რომ ლონდონში, სილვია იანგის თეატრალურ სკოლაში სწავლისას, უაინჰაუსი ბულინგის მსხვერპლი იყო. 

მსახიობის თქმით, ემი უაინჰაუსი ინდივიდუალური სტილითა და პიროვნებით გამოირჩეოდა. “მას ყველაფერი შეეძლო, ძალიან ჭკვიანი იყო. სკოლაში არც ერთ სხვა გოგოს არ ჰგავდა”- თქვა ბილი პაიპერმა. 

პაიპერმა ასევე გაიხსენა, რომ უაინჰაუსისთვის სასწავლებელში ყოფნის პერიოდი მარტივი არ იყო და თავისი ინტერესების და ცხოვრების სტილის გამო ხშირად განიცდიდა ბულინგს. 

გრემის მფლობელი მომღერალი ემი უაინჰაუსი 2011 წელს  27 წლის ასაკში გარდაიცვალა. მომღერალი ნარკოტიკებსა და ალკოჰოლზე იყო დამოკიდებული. მალე მაყურებელი მის შესახებ გადაღებულ ბიოგრაფიულ ფილმს იხილავს, რომლის სახელწოდებაა Back to Black. ის მუსიკოსის შემოქმედებით და პირად ცხოვრებას ქრონოლოგიურად აღწერს. Back to Black ტეილორ ჯონსონის სარეჟისორო ნამუშევარია და მასში მთავარ როლს 26 წლის მსახიობი, მარისა აბელა ასრულებს. 2024 წლის თებერვალში ფილმის პირველი ტრეილერი გამოქვეყნდა, რომელშიც ფილმის სხვადასხვა გმირიც გამოჩნდა. საკვანძო პერსონაჟებს  შორის არიან უაინჰაუსის ქმარი და მამა. 

ფილმი Back to Black კინოწარმოებისა და დისტრიბუციის კომპანია StudioCanal-ის პროდუქტია. პროექტს მხარს ემი უაინჰაუსის  მემკვიდრეები უჭერენ. სცენარის ავტორი მეთ გრინჰელია. Back to Black მსოფლიო კინოთეატრების ეკრანებზე 17 მაისს გამოვა.

Share
Tweet
Share
Share
Share

წინა სტატია

„ჯადოსნური ეკრანი – ამბები ქართული ანიმაციიდან” 

შემდეგი სტატია

დავით პაპავა

მარადიული სიყვარულის ამბავი და სცენაზე გაცოცხლებული იაპონია

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი