დუა ლუპა მალე ახალ სინგლს, სახელწოდებით Illusion გამოუშვებს. მომღერალმა სიახლე თავის მსმენელს სოციალურ ქსელ X-ის და Instagram-ის პოსტების მეშვეობით აცნობა. ვარსკვლავმა სინგლის გარეკანი და ვიდეოს ანონსი გამოაქვეყნა. ფოტოსა და ვიდეოში თავად დუა ლიპაა აღბეჭდილი. არტისტის განცხადებით, სინგლი 11 აპრილს გამოვა.
3 მაისს დუა ლიპა გამოსცემს ახალ ალბომს, რომლის სახელწოდებაა Radical Optimism. Illusion რიგით მესამე სინგლი იქნება, რომელსაც არტისტი დაანონსებული LP-დან წარადგენს. Houdini და Training Season იყო პირველი ორი ტრეკი, რომლებიც მუსიკოსმა სინგლებად გამოუშვა. Houdini-მ Billboard Hot 100-ის მუსიკალურ ჩარტში მე-11 ადგილი დაიკავა, Training Season-მა კი 27-ე ადგილი დაიმსახურა.
დუა ლიპამ Radical Optimism მარტში დააანონსა. მომღერალმა ჩანაწერის გარეკანი და სიმღერების ჩამონათვალი, ე.წ. ტრეკლისტი გამოაქვეყნა. აპრილის დასაწყისში კი არტისტმა ალბომზე მუშაობის კადრებიც გაავრცელა.
ნახეთ პოსტი, რომლითაც დუა ლიპამ ახალი სინგლი – Illusion დააანონსა.
