დუა ლიპამ ინსტაგრამზე 10-წამიანი ვიდეოთიზერი გაავრცელა, რომელიც დაანონსებული ტრეკის, Illusion-ის ფრაგმენტია. კადრებში მომღერალი გემბანზე ცეკვავს. სიმღერის სრული ვერსიის გამოქვეყნება 11 აპრილს იგეგმება.
Illusion რიგით მესამე სინგლი იქნება, რომელსაც არტისტი დაანონსებული LP-დან წარადგენს. Houdini და Training Season იყო პირველი ორი ტრეკი, რომლებიც მუსიკოსმა სინგლებად გამოუშვა. Houdini-მ Billboard Hot 100-ის მუსიკალურ ჩარტში მე-11 ადგილი დაიკავა, Training Season-მა კი 27-ე.
„[ალბომის გამოცემა] კარგი გრძნობაა,”- აღნიშნა დუა ლიპამ Billboard-თან უწინდელ ინტერვიუში. მომღერალმა ჟურნალთან ალბომის Radical Optimism ყდის კონცეფციაზეც ისაუბრა. LP-ის გარეკანის ფოტოზე აღბეჭდილია თავად მომღერალი, რომელიც ღია ოკეანეში ტივტივებს და მის წინ ზვიგენის ფარფლი ჩანს. როგორც არტისტმა განმარტა, ჰქონდა შეგრძნება, რომ მის ირგვლივ ქაოსი სუფევდა და სურდა, მასში გზა გაეკვალა, რათა ნამუშევარი ავთენტური და გულწრფელი გამოსულიყო.
დუა ლიპა ასევე შეეხო ალბომის სათაურსაც და წარსული ისტორია გაიხსენა. „რამდენიმე წლის წინ მეგობარმა გამაცნო ტერმინი „რადიკალური ოპტიმიზმი”. მის მნიშვნელობას საკუთარ თავთან ვაკავშირებ,”- თქვა ვარსკვლავმა მარტში, როცა ალბომს აანონსებდა.
Radical Optimism 11 სიმღერას აერთიანებს. ეს დუა ლიპას პირველი ალბომია მას შემდეგ, რაც 2020 წელს Future Nostalgia გამოსცა. Future Nostalgia 3 მაისს გამოვა.
ნახეთ კლიპის თიზერი:
