Mutant Radio-ს მულტიფუნქციურ სივრცეში ანუშკა ჩხეიძის ახალი ალბომის პრეზენტაცია გაიმართა. 12 აპრილს კი ნამუშევარი ციფრულ სტრიმინგ პლატფორმებზე ოფიციალურად გამოიცა. ალბომი სახელწოდებით Clean Clear White 8 ტრეკს აერთიანებს და ის ექსპერიმენტული კონცეფციით გამოირჩევა.
არტისტმა Clean Clear White შვეიცარიულ არქიტექტურულ სტუდიასთან თანამშრომლობით შექმნა. სტუდიამ მუსიკოსს შესთავაზა, მათ განახლებულ შენობაში შესულიყო და მუსიკალური ნამუშევარი შეექმნა. შენობა ბაზელში მდებარეობს და ის უნივერსიტეტის ბიოლოგებისა და ქიმიკოსებისათვის განკუთვნილი კვლევითი ცენტრია. ნაგებობის საინტერესო ხასიათიდან გამომდინარე, პროექტმა საბოლოოდ ალბომის სახე მიიღო. როგორც ანუშკა ჩხეიძემ Billboard Georgia-სთან უწინდელ ინტერვიუში აღნიშნა, ეს შემოთავაზება ერთდროულად იყო საინტერესოც და უამრავი გამოწვევებით სავსეც.
რაც შეხება ალბომის მსმენელისათვის გაცნობას, ნამუშევრის პრეზენტაცია 6 აპრილს ციურიხში აკუსტიკური ინსტრუმენტების თანხლებით შედგა. ამას თბილისში, Mutant Radio-ში გამართული ღონისძიებაც მოჰყვა.
რაც შეეხება არტისტის სამომავლო გეგმებს,
ივლისში ანუშკა ჩხეიძე გერმანიაში გამართულ
მასშტაბურ ფესტივალში მიიღებს მონაწილეობას, რომლისთვისაც ახლა აქტიურად ემზადება.
მოუსმინეთ Clean Clear White-ს და ნახეთ Billboard Georgia-ს ვიდეო, რომელშიც მუსიკოსი ალბომის შესახებ საუბრობს:
