19 აპრილს ტეილორ სვიფტმა მუსიკალური ვიდეო სახელწოდებით Fortnight გამოაქვეყნა, რომელშიც Post Malone-იც მონაწილეობს. სიმღერა ტეილორ სვიფტის მეთერთმეტე სტუდიური ალბომის, The Tortured Poets Department-ის პირველი მუსიკალური სინგლია, რომელიც ტეილორ სვიფტის, Post Malone-ის და ჯეკ ანტონოვის თანაპროდიუსერობით არის შექმნილი.
ვიდეო კლიპში ტეილორ სვიფტს სახე Post Malone-ის მსგავსი ტატუებით აქვს სახე მოხატული. მისი პერსონაჟი ვიდეო-კლიპში თეთრ ოთახშია გამოკეტილი და ელექტროთერაპიას გადის, საიდანაც თავის დაღწევას ცდილობს.
ვიდეო-კლიპის გამოქვეყნების შემდეგ ტეილორ სვიფტმა სოციალურ ქსელში პოსტი გამოაქვეყნა:
„როდესაც Fortnight-ის მუსიკალურ ვიდეოს ვწერდი, მინდოდა სხვადასხვა სამყარო მეჩვენებინა, რომელსაც ჩემს თავში ვხედავ. სწორედ ეს სხვადასხვა სამყარო გასდევს ამ მუსიკის შექმნას ფონად. ამ სიმღერაში ყველაფერი მეტაფორა ან მინიშნებაა. ჩემთვის ეს ვიდეო და მასში მოთხრობილი ისტორიები ამ მუსიკალური ჩანაწერის იდეალური ვიზუალური პრეზენტაციაა. მადლობელი ვარ Post Malone-ის, რომელმაც ამ მუსიკალურ კოლაბორაციაში ყველაფერი ჩადო. ჯერ კიდევ ვერ ვიჯერებ, რომ შესაძლებლობა მომეცა, ამ საოცარ ადამიანებთან ერთად მემუშავა, ბრწყინვალე კინემატოგრაფისტ როდრიგო პრიეტოსთან და საოცნებო გუნდთან ერთად. წარმოების დიზაინერი ეთან ტობმენია, მემონტაჟე – ჩენკლერ ჰეინსი, პროდიუსერი ჯილ ჰარდინი და აღმასრულებელი პროდიუსერი დომ ტომასი. მთელმა შემოქმედებითმა გუნდმა ეს ვიდეო საოცნებო გადაღებად აქცია. მადლობა ყველა ვინც მასში მონაწილეობს და მადლობა მათ ვინც ამ ვიდეო-კლიპს ნახავს.“
ტეილორ სვიფტმა სინგლი Fortnight ალბომ The Tortured Poets Department-ის გამოსვლამდე ერთი დღით ადრე გამოაქვეყნა. ვიდეო Post Malone-თან თანამშრომლობით არის შექმნილი, ამის შესახებ ტეილორ სვიფტმა ტვიტერზე პოსტიც გამოაქვეყნა: “@postmalone-ის დიდი გულშემატკივარი ვიყავი, გამომდინარე იქიდან რომ ის საოცარი მწერალია. მისი მუსიკალური ექსპერიმენტები და მელოდიები, რომელსაც ის ქმნის, სამუდამოდ გებეჭდება გონებაში. ამ ჯადოქრობის მოწმე მეც ვარ, როდესაც ჩვენ Fortnight-ზე ერთად ვმუშაობდით.“
