გიორგი გიგაშვილი 2024 წლის ბეთჰოვენის ფესტივალის რეზიდენტი არტისტია. ფესტივალი 5 სექტემბერს გერმანიის ისტორიულ ქალაქ ბონში გაიხსნება. ფესტივალის გახსნაზე ქართველი მუსიკოსი „ჰეროიკას” ვარიაციებს დაუკრავს. რეზიდენტი არტისტის სტატუსით, აუდიტორიის წინაშე გიორგი გიგაშვილი ნინი ნუცუბიძესთან ერთად ქართული სიმღერებით წარდგება. ეს საერთაშორისო სცენაზე მუსიკოსების დუეტის პრემიერა იქნება. ფესტივალის სცენაზე ასევე გაჟღერდება გიორგი გიგაშვილის და Nikala-ს (ნიკალა ზუბიაშვილის) ერთობლივი მუსიკალური პროექტი „სერიოზული მუსიკა” გაჟღერდება. „სერიოზული მუსიკა” აკადემიური და ელექტრონული მუსიკის სინთეზია, სადაც კლასიკა თანამედროვეობას ხვდება.
გიორგი გიგაშვილი მსმენელის წინაშე ასევე წარდგება ანსამბლ „რეზონანსთან” ერთად. ფესტივალის რეზიდენტი არტისტის ამპლუაში პიანისტი შეასრულებს ყანჩელის „ვალს-ბოსტონს” კამერულ ორკესტრთან ერთად და ასევე გაჟღერდება თავად გიორგი გიგაშვილის საავტორო ნაწარმოებები კამერული ორკესტრისთვის, ფორტეპიანოსა და ელექტრონული საუნდისთვის.
