Radiohead ოფიციალურად შეუერთდა იუთუბის მილიარდნახვიანთა კლუბს. ჯგუფის ვიდეოკლიპმა 1992 წლის ჰიტზე Creep მილიარდ ნახვას გადააჭარბა.
მინიმალისტურ ვიდეოკლიპში Radiohead-ის წევრები ტომ იორკი, ძმები ჯონი და კოლინ გრინვუდები, ედ ობრაიენი და ფილიპ სელუეი სიმღერას ნახევრად ჩაბნელებულ სცენაზე ასრულებენ. ეს ბენდის პირველი ვიდეოა, რომელმაც მილიარდ ნახვას მიაღწია.
Creep შესულია Radiohead-ის სადებიუტო ალბომში Pablo Honey. Სიმღერა ამერიკაში მას შემდეგ გაჰიტდა, რაც სან-ფრანსისკოს კოლეჯის რადიოს მუსიკალურმა დირექტორმა ის ბერკლის მუსიკალურ მაღაზიაში აღმოაჩინა და რადიოს ფლეილისტში დაამატა. მას შემდეგ Creep პირდაპირ მეინსტრიმ მუსიკალურ სცენაზე შეიჭრა. მისი ქავერი არაერთ ვარსკვლავს აქვს შესრულებული. მათ შორის არიან პრინცი, ოლივია როდრიგო, კელი კლარკსონი, ლიზო, ჯიმ კერი, მობი და სხვებს.
სიმღერა Billboard Hot 100-ში 34-ე ადგილს იკავებდა.
Ნახეთ Radiohead-ის Creep:
