გასულ წელს ემინემის ტრეკ Mockingbird-ის სტრიმებმა 1 მილიარდს მიაღწია, ამჯერად კი ე.წ. „მილიარდიან კლუბს” ვიდეოც შეუერთდა, რაც იმას ნიშნავს რომ კლიპის ნახვების მაჩვენებელმა ერთ მილიარდს მიაღწია.
სიმღერა შესულია ემინემის 2004 წლის ალბომში, სახელწოდებით – Encore. Mockingbird-ის კლიპი რეპერის მეხუთე სოლო მუსიკალური ვიდეოა, რომელსაც Youtube-ზე 1 მილიარდი ნახვა აქვს, კოლაბორაციული ნამუშევრების ჩათვლით კი – მე-6.
ვიდეოს რეჟისორი ჯონ ქვიგლია. კლიპში ემინემის საარქივო ვიდეოები ჩანს, სადაც ის თავის ოჯახთან ერთად არის გადაღებული. Mockingbird-ის კლიპის ოფიციალური ვერსია Youtube-ზე 2009 წლის 24 დეკემბერს აიტვირთა.
Mockingbird, როგორც სინგლი Billboard-ის რეპ სიმღერების ჩარტში მე-10 ადგილს იკავებდა. ტრეკი ხუთგზის “პლატინის სტატუსის” მფლობელია. გამოშვებიდან წლების შემდეგ Mockingbird-ის პოპულარობა სტრიმინგ სერვისებისა და სოციალური ქსელების აქტუალობამ განაპირობა. სიმღერა ტრენდული კომპოზიცია იყო TikTok-ზე იქამდე, სანამ ის სოციალური ქსელის კატალოგიდან არ ამოიღეს.
რაც შეეხება თავად ალბომს Encore, ის 2004 წლის ნოემბერში გამოიცა და Billboard 200-ის ჩარტში პირველ ადგილს იკავებდა. სადებიუტო კვირაში ალბომის 710,000 ეგზემპლარი.
ნახეთ Mockingbird-ის კლიპი:
![will kolak - KHMAS ft. saba [skazz]](https://billboard.com.ge/wp-content/uploads/2024/04/willkolak-saba-768x432.jpg)
