will kolak -ის და Skazz-ის ვოკალისტ საბა ვაშაყმაძის კოლაბორაცია, სიმღერით KHMAS

„კოლაბორაციის იდეა ახალი არ იყო. იდეის სისრულეში მოყვანა კი არაორდინალური და მომხიბვლელი აღმოჩნდა.“
will kolak - KHMAS ft. saba [skazz]
will kolak – KHMAS ft. saba [skazz]

რამდენიმე დღის წინ გარაჟ-როკ ტრიოს, will kolak-ისა და  პოსტ-პანკ ბენდის, Skazz-ის ფრონტმენის, საბა ვაშაყმაძის ერთობლივი ნამუშევარი, სახელწოდებით KHMAS გამოქვეყნდა. მიუხედავად იმისა, რომ მუსიკოსებს დიდი ხნის ნაცნობობა აკავშირებთ, ეს მათი პირველი ერთობლივი სინგლია. აღსანიშნავია, რომ will kolak-ისთვის ეს პირველი ქართულენოვანი სიმღერაცაა. კომპოზიციას 90-იანი წლების გაცრეცილი VHS-ის გამოსახულების  ვიდეოვიზუალი ახლავს, რომელზეც ლიკა ბაინდურაშვილმა იმუშავა.

will kolak – KHMAS ft. saba [skazz]

საბა ვაშაყმაძე, SKAZZ-ის ფრონტმენი:

ბიჭებს წლებია ვიცნობ, ჯერ კიდევ პატარა ვიყავი, როცა Open Air ზე Scratch the floor-ს მოვუსმინე და მას შემდეგ მათი მსმენელი გავხდი, წლების შემდეგ კი მსმენელის გარდა მეგობარიც და მაგ პერიოდიდან მოყოლებული არაერთხელ გვიმუშავია ერთად მუსიკაზე. ამ კოლაბის სურვილიც წლების წინ გაჩნდა, მაშინ, როცა არც SKAZZ და არც Will Kolak არ არსებობდა. თორნიკემ არც ისე დიდი ხნის წინ ბიჭებთან ერთად დაიწყო ამ კომპოზიციის წერა და, როცა ტრეკზე მუშაობის ერთად გაგრძელება შემომთავაზა, ძალიან, ძალიან გამიხარდა. ჩვენი დიდი ხნის სურვილი ავისრულეთ. შედეგით ყველანი კმაყოფილები ვართ, დანარჩენი ხალხმა შეაფასოს.

თორნიკე ცორიკიშვილი, will kolak-ის ვოკალიტი:

დემო რომ გადავუგზავნე საბას, მალევე მესტუმრა ჩემს ჰოუმ სტუდიოში. უკვე მზად ჰქონდა თავისი პარტია. ტექსტის ნაწილიც ძალიან მალე დავალაგეთ და 15 წუთში მოვრჩით ტრეკს. საბა სუპერ პროფესიონალია თავისი საქმის და ერთ-ერთი ყველაზე კრეატიული მუსიკოსი თანამედროვე ქართულ სცენაზე. მასთან მუშაობა ერთი სიამოვნება იყო. კმაყოფილები ვართ შედეგით და ერთად მუშაობის პროცესით.

გიგი ჯღარკავა, will kolak-ის დრამერი:

კოლაბორაციაზე მუშაობა მეტად საინტერესო იყო. will kolak ჩემთვის გარაჟული 3/3 – ია, რომლის 1/3 – ად ყოფნის პატივი და ბედნიერება მერგო. კოლაბორაციის იდეა ახალი არ იყო, იდეის სისრულეში მოყვანა კი არაორდინალური და მომხიბვლელი აღმოჩნდა. საბას, როგორც მუსიკოსის დიდი მსმენელი ვარ. ვფიქრობ, ჩვენი ვაიბები ერთმანეთში საინტერესოდ ჩაჯდა და სინგლში საკმარისად გადმოიცა მუსიკალური სათქმელი.

ირაკლი ბრეგვაძე, will kolak-ის ბასისტი: 

ლიკა ბაინდურაშვილთან უკვე დიდი ხანია ვმეგობრობთ და ვმუშაობთ. მან ზუსტად იცის, რა ხასიათის ვიდეოები გვინდა ხოლმე. ამჯერადაც ერთად მოვიფიქრეთ მარტივი და ენერგიული ვიდეო. Khmas – ჩვენი პირველი ქართულენოვანი ტრეკია ამ ეტაპზე და მომავალშიც ვფიქრობთ, რომ გავაგრძელებთ ენებით ექსპერიმენტებს.

მოისმინეთ will kolak – KHMAS ft. saba [skazz]

Share
Tweet
Share
Share
Share

წინა სტატია

ანდრეა ბოჩელი ფოტო ლუკა როზეტი

ანდრეა ბოჩელი მუსიკალური კარიერის 30 წლის იუბილეს სამდღიანი კონცერტით აღნიშნავს

შემდეგი სტატია

ემინემის Mockingbird-ის კლიპმა Youtube-ზე მილიარდ ნახვას მიაღწია

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი