ბარბრა სტრეიზანდის ახალი სინგლი გამოვიდა

ბარბრა სტრეიზანდი 6-წლიანი პაუზის შემდეგ ახალი სინგლით დაბრუნდა. Სიმღერა Love Will Survive სერიალისთვის The Tattooist of Auschwitz დაიწერა.

ემოციური კომპოზიცია ფორტეპიანოსა და სიმებიანი საკრავების ფონზე ჟღერს, სადაც 8 გზის გრემის მფლობელი ვარსკვლავის ვიბრატო პოეტურ ტექსტს ერწყმის.

Love Will Survive სტრეიზანდის პირველი სტუდიური ჩანაწერია 2018 წელს გამოცემული Walls-ის შემდეგ, რომელიც Billboard 200-ის მე-12 ადგილზე გავიდა. მას შემდეგ სტრეიზანდს გამოშვებული აქვს რამდენიმე კომპილაცია, საიუბილეო გამოცემა და ლაივ ალბომები, მათ შორის Evergreens და Release Me 2.

„მსოფლიოში ანტისემიტიზმის გააქტიურების გამო, მინდოდა, რომ Love Will Survive ამ სერიალის კონტექსტში მემღერა, როგორც გახსენება იმ ექვსი მილიონი ადამიანის სულებისა, რომლებიც 80 წლის წინ დაიღუპნენ. ასევე მინდოდა მეთქვა, რომ ყველაზე ბნელ პერიოდებშიც კი, სიყვარულის ძალას შეუძლია გამარჯვება,” – აღნიშნა მომღერალმა. 

Love Will Survive სტრეიზანდის პირველი სიმღერაა The Tattooist of Auschwitz-ისთვის და ბოლო მუსიკალური თემაა თავად სერიალში, რომლის პრემიერაც Peacock-ზე 2 მაისს შედგება. კომპოზიცია ჰანს ციმერმა, კარა ტალვმა და უოლტერ აფანასიეფმა დაწერეს. 

The Tattooist of Auschwitz გვიყვება სლოვაკი ებრაელი კაცის ამბავს, სახელად ლალი, რომლის როლსაც ჯონა ჰაუერ-კინგი ასრულებს. აუშვიცის საკონცენტრაციო ბანაკში გადაყვანის შემდეგ იგი აიძულეს, ბანაკში შემოსული პატიმრებისთვის მკლავებზე საიდენტიფიკაციო ნომრები ამოესვირინგებინა.

მოუსმინეთ ბარბრა სტრეიზანდის ახალ სინგლს: