9 მაისს ექსპერიმენტული და ელექტროაკუსტიკური მუსიკალური საღამოების სერია Zenaari კლუბ Bassian-ში ნორვეგიული ავანგარდული ჯაზის ერთ-ერთ ცენტრალურ ფიგურას, მკვლევარსა და კომპოზიტორს, Stian Westerhus-ს და Aine Merme-ს (ნატუკა ნაცვლიშვილის) ცოცხალ შესრულებას წარმოგიდგენთ.
Stian Westerhus-მა კლასიკურ მუსიკაში აკადემიური განათლების მიღების შემდეგ საკუთარი უნიკალური ჟღერადობის შექმნაზე დაიწყო მუშაობა, რაც გიტარისა და სხვადასხვა ეფექტის საშუალებით მუსიკალური ნარატივის თავისუფალ, იმპროვიზაციულ დინებაში აისახა. Მუსიკოსის შემოქმედება მუდმივად ცვალებადი, არაპროგნოზირებადი და არაამქვეყნიური მისტიკით არის გაჯერებული. Მისი გიტარა სრულიად ამოუწურავი შესაძლებლობების ინსტრუმენტად იქცევა და მუსიკას ამოუცნობი ხმებით, ტექსტურებით, მოტივებითა და ენერგიით ამდიდრებს.
Stian Westerhus-ის ექსტრაორდინარულმა შესრულების მანერამ მნიშვნელოვანი კვალი დატოვა ექსპერიმენტული ჯაზ-ბენდების Jaga Jazzist-ისა და Puma-ს შემოქმედებაზე. ამავდროულად, არტისტი ისეთ მუსიკოსებთან თანამშრომლობს, როგორებიც არიან: ნილს პეტერ მოლვეერი, არვე ჰენრიკსენი და სიდსელ ენდრესენი, მსმენელი მას ასევე იცნობს კოლაბორაციული პროექტებით სხვადასხვა სიმფონიურ და ჯაზ ორკესტრთან. მის სტუდიურ ჩანაწერებს, რომლებიც ლეიბლებზე, Rune Grammofon და House of Mythology გამოიცემოდა, ფართო აღიარება მოჰყვა საერთაშორისო სცენაზე. აღსანიშნავია, რომ Stian Westerhus ნორვეგიული Grammy-ის მფლობელია.
Zennaari-ის სცენაზე ამავე საღამოს ქართველი მუსიკოსი, ვოკალისტი, კომპოზიტორი და მწერალი Aine Merme, იგივე ნატუკა ნაცვლიშვილი, წარდგება.
მისი შემოქმედება კომპოზიციის შექმნის, შესრულებისა და რეპრეზენტაციის არასტანდარტული სტილით ხასიათდება. Aine Merme, (ნატუკა ნაცვლიშვილი) ინსტრუმენტების შესაძლებლობების გაფართოებითა და მათთვის არაკანონიკური ფუნქციის მინიჭებით პრინციპულად უკრავს და წერს მუსიკას ხაზგასმით გიტარისთვის.
Მუსიკალურ საღამოზე დასასწრები Ბილეთების შეძენა tkt.ge-ზე შეგიძლიათ.
