28 აპრილიდან 1-ელი მაისის ჩათვლით ქართველი და პოლონელი მუსიკოსები პოლონეთის ევროკავშირში გაწევრიანების 20 წლის იუბილეს კონცერტებისა და ლექციების სერიით აღნიშნავენ. პროექტის სახელწოდებაა „pოლონური მუსიკა და მისი გზა – საქართველო 2024”. მისი ინიციატორია ხელოვანთა გაერთიანება Porta Musicae. პროექტი აერთიანებს პოლონელ და ქართველ არტისტებსა და პედაგოგებს, რომელთა მიზანიც კულტურის მეშვეობით ორ ქვეყანას შორის ურთიერთობის გაღრმავებაა.
ღონისძიებების ფარგლებში საქართველოს მსოფლიოში აღიარებული პოლონელი მუსიკოსები ეწვევიან: მაქსიმილიან ლიპიენი (ჰობოი), პიოტრ ლატო (კლარნეტი), დამიან ლიპიენი (ფაგოტი), იან კალინოვსკი (ჩელო), მარეკ შლეზერი(ფორტეპიანო), ორიანა მასტერნაკი (ვიოლინო) და პაველ კოტლა (დირიჟორი). კონცერტების გარდა, მუსიკოსები თბილისის სახელმწიფო კონსერვატორიაში ლექციებსა და მასტერკლასებსაც გამართავენ.
პოლონელ კოლეგებთან ერთად სცენაზე წარდგებიან „საქართველოს სინფონიეტა” და თბილისის სახელმწიფო კონსერვატორიის სტუდენტური ორკესტრი, რომელთაც პაველ კოტლა უდირიჟორებს. შესრულდება პოლონელი კომპოზიტორების საორკესტრო და კამერული ნაწარმოებები.
ღონისძიებებს თბილისის სახელმწიფო კონსერვატორია და სამეფო უბნის თეატრი უმასპინძლებს. პროექტის პარტნიორები არიან: თბილისის სახელმწიფო კონსერვატორია, „საქართველოს სინფონიეტა”, პოლონური ინსტიტუტი თბილისში და Temida Arts and Business. ინიციატივა პოლონეთის საგარეო საქმეთა სამინისტროს მხარდაჭერით ხორციელდება.
პროგრამა:
28 აპრილი, 20:00, თბილისის სახელმწიფო კონსერვატორიის მცირე დარბაზი
„ლლლეჯიერო” – ხის ჩასაბერ საკრავთა ტრიო:
მაქსიმილიან ლიპიენი (ჰობოი)
პიოტრ ლატო (კლარნეტი)
დამიან ლიპიენი (ფაგოტი)
29 აპრილი, 19:00, თბილისის სახელმწიფო კონსერვატორიის დიდი დარბაზი
„კრაკოვ დუო”:
იან კალინოვსკი (ჩელო)
მარეკ შლეზერი (ფორტეპიანო)
პაველ კოტლა (დირიჟორი)
თბილისის სახელმწიფო კონსერვატორიის სტუდენტური ორკესტრი
30 აპრილი, 19:00, თბილისის სახელმწიფო კონსერვატორიის დიდი დარბაზი
ორიანა მასტერნაკი (ვიოლინო)
იან კალინოვსკი (ჩელო)
Olivia Wilson
მარეკ შლეზერი (ფორტეპიანო)
01 მაისი, 19:00, სამეფო უბნის თეატრი
იან კალინოვსკი (ჩელო)
მარეკ შლეზერი (ფორტეპიანო)
პაველ კოტლა (დირიჟორი)
„საქართველოს სინფონიეტა”
