Prince-ის ჯილდოს მფლობელი ალბომის, Purple Rain-ის გამოსვლის შემდეგ ზუსტად 40 წელი გავიდა. გულშემატკივრებისთვის კი ამ თარიღის აღსანიშნად ამავე სახელწოდების ოსკაროსანი ფილმის ადაპტირებული ვერსია გამოვა.
საიუბილეო თარიღის აღსანიშნად როკ-მიუზიკლი Blu-ray-ის სპეციალური გამოცემით, 4K Ultra HD ხარისხში იქნება წარმოდგენილი.
რემასტერირებული Purple Rain 4K ხარისხში კიდევ უფრო ნათლად წარმოაჩენს ფილმს, რომელსაც დისკთან და ციფრულ კოდთან ერთად, ფილმის რეჟისორის კომენტარები და მუსიკალური ვიდეო სინგლებიც ახლავს.
Purple Rain-მა Amazon-ის ბესტსელერების სიაში უკვე დაიკავა მოწინავე ადგილი, რაც კიდევ ერთხელ ადასტურებს Prince-ის შემოქმედების უკვდავებას.
Prince-ის ცხოვრებით შთაგონებული ფილმი Purple Rain მუსიკოსის მნიშვნელოვან ეტაპებს გვიყვება. თუ როგორ იყენებს არტისტი ადრეული ასაკიდან მუსიკას საკუთარი პრობლემების და მოძალადე მამისგან თავის დასაღწევად. მისი ჯგუფის Revolution-ის მეშვეობით Prince-ის მუსიკალური კარიერა წინსვლას იწყებს, პარალელურად კი მუსიკოსი საკუთარ შინაგან დემონებს ებრძვის.
ნახეთ Purple Rain-ის თრეილერი:
