პარასკევს, 17 მაისს, ბილი აილიშმა მესამე სტუდიური ალბომი, Hit Me Hard and Soft გამოსცა და იმავე დღეს მუსიკოსმა პროექტის პირველი მუსიკალური ვიდეო-კლიპი, Lunch გამოაქვეყნა, რომელიც 90-იანი წლების პერიოდით არის შთაგონებული.
ვიდეო-კლიპი 90 იანი წლების ვიზუალით და გამომსახველობითი კადრებით გამოირჩევა, სადაც დიდი ზომის ტანისამოსში გამოწყობილი მუსიკოსი თავის კლონებთან ერთად მღერის და ცეკვავს.
ალბომი Hit Me Hard and Soft ბილი აილიშის უფროს ძმის, ფინეასის პროდიუსერობით არის შექმნილი. ბილი აილიშის მესამე სტუდიური ალბომი ჯამში 10 ტრეკს მოიცავს. მისი ორივე ალბომი When We All Fall Sleep, Where Do We Go? და Happier Than Ever, ბილბორდ 200-ში პირველ ადგილს სამი კვირის განმავლობაში იკავებდა.
„მთელი ეს პროცესი მიტოვებს შეგრძნებას, თითქოს იმ გოგოსთან ვბრუნდები, ვინც ადრე ვიყავი. მე მას ყველაფერში ვეძებდი, თითქოს მსოფლიომ და მედიამ ის დაახრჩო, და არც მახსოვს როდის დაიკარგა.” განუცხადა Rolling Stone-ს აპრილში ბილი აილიშმა.
ნახეთ ბილი აილიშის მუსიკალური კლიპი Lunch:
