SZA-მ ემინემის სიმღერის, Lose Yourself-ის ქავერ-ვერსია გამოსცა

მომღერლის თქმით ქავერ-ვერსია მხოლოდ მისი „მენტალური მდგომარეობის” გამო შექმნა და ის მის არცერთ ახალ პროექტში არ იქნება.
SZA - 2023 წლის 19 მარტს, ვანკუვერში კონცერტის დროს. ფოტო: ენდრიუ ჩინი
SZA – 2023 წლის 19 მარტს, ვანკუვერში კონცერტის დროს. ფოტო: ენდრიუ ჩინი

SZA-მ 2002 წლის ფილმის, 8 Mile-ის საუნდტრეკის, Lose Yourself-ის ქავერ-ვერსია ბალადის სახით წარადგინა. 

მომღრალმა აღნიშნა, რომ სიმღერა არ იქნება წარდგენილი მის არცერთ მომავალ პროექტში, რადგან ეს უფრო მისი მენტალური პრობლემებისგან თავის დაღწევის მიზნით შექმნილი ქავერი იყო. „ოდესმე ემინემის სიმღერის ქავერ-ვერსია გაგიკეთებიათ? მე ის მხოლოდ ჩემი მენტალური ჯანმრთელობის გამო შევქმენი და არა რაიმე პროექტისთვის.” დაწერა SZA-მ ინსტაგრამზე.

Სიმღერას თავად ემინემმაც მოუსმინა და პოსტის ქვეშ გაოცების ემოჯი დატოვა. 

SZA-ს მიერ შექმნილი სიმღერის ქავერ-ვერსიას სოციალურ ქსელში დიდი გამოხმაურება მოჰყვა, მათ შორის ნახავთ ისეთი არტისტების შეფასებას, როგორებიც არიან კამილა კაბელო, კეისი მასგრეიევზი, შელი, (F.K.A. D.R.A.M.) და სხვა.

სიმღერა Lose Yourself 2002 წელს გამოქვეყნდა და ის ფილმ 8 Mile-ის მთავარი საუნდტრეკია. ტრეკი ემინემის პირველი სიმღერაა, რომელმაც ბილბორდ 100-ში პირველი ადგილი დაიკავა და ჩარტში თორმეტი კვირა დაჰყო. აღსანშნავია, რომ ემინემმა 2003 წელს საუკეთესო სიმღერისთვის და 2004 წელს საუკეთესო სოლო რეპ შესრულებისთვის გრემი მიიღო.

მიუხედავად იმისა, რომ ამ სიმღერაზე ემინემს და SZA-ს აქამდე არ უთანამშრომლიათ, შესაძლოა სინგლი ემინემის ახალ ალბომ The Death of Slim Shady-ში შევიდეს, რომელიც ამ ზაფხულს გამოვა.

მოისმინეთ SZA-ს მიერ შესრულებული სიმღერის Lose Yourself-ის ქავერ ვერსია.

Share
Tweet
Share
Share
Share

წინა სტატია

„მუსიკოსები ევროპული მომავლისთვის” – აქცია-კონცერტი რესპუბლიკის მოედანზე

შემდეგი სტატია

ბავშვთა დაცვის საერთაშორისო დღე სოხუმის თეატრში

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი