Latin Women In Music 2024-ის ცერემონიის სახით აუდიტორიამ ემოციური შოუ იხილა

2024 წლის შოუმ ლათინური ამერიკის მუსიკალური სცენის სხვადასხვა თაობის ვარსკვლავი გააერთიანა.
ფოტო: ჯონ პერა / TELEMUNDO

9 ივნისს მაიამიში Billboard-ის ორგანიზებით Latin Women In Music-ის საზეიმო საღამო გაიმართა. 2024 წლის შოუ ლათინური ამერიკის მუსიკალური სცენის სხვადასხვა პერიოდის ვარსკვლავებს მიეძღვნა, რამაც ღონისძიება ემოციურ სანახაობად აქცია. 

მაყურებელმა ეთერში შოუს ჩანაწერი იხილა, რომლის პროდიუსინგზე ცნობილმა სატელევიზიო ქსელმა Telemundo-მ იმუშავა. საღამოზე პატივი მიაგეს სხვადასხვა თაობის ისეთ ვარსკვლავებს, როგორებიც არიან გლორია ესტეფანი, სალსას ლეგენდა La India, ანა ბარბარა, კენი გარსია, ანხელა აგილარი, კოლუმბიელი ამომავალი ვარსკვლავი კალი უჩისი და ლათინოამერიკელი მსოფლიო ვარსკვლავი კამილა კაბელიო. 

საღამომ ვეტერანი და ახალი ვარსკვლავები ერთ სივრცეში გააერთიანა, რითაც ლათინური ამერიკის მუსიკალური სცენის მემკვიდრეობა წარმოაჩინა. ღონისძიებაზე 55 წლის მომღერალმა  La India-მ მსმენელის წინაშე თავისი ჰიტები შეასრულა და აუდიტორიას სიტყვითაც მიმართა. მომღერალმა ანა ბარბარამ კი გაამხილა, რომ მრავალი წლის წინ, როცა მაიამის ესტუმრა, მისი სურვილი იყო, რომ გლორია ესტეფანს შეხვედროდა. 

საღამოს მსვლელობისას სიტყვით გამოვიდა ღონისძიების კიდევ ერთი მთავარი გმირი კენი გარსია. მისი თქმით, ძალიან ამაღელვებელია იმ ქალებს შორის ყოფნა, რომლებსაც ასე ეთაყვანება.

Latin Women In Music-ის ერთ-ერთი მნიშვნელოვანი ნაწილი კამილა კაბელიოს სიტყვით გამოსვლა იყო. მან მადლობა თავის მშობლებს გადაუხადა. “როდესაც სამყაროში ამდენი ტანჯვის მომსწრე ვართ, დედაჩემი მახსენებს, რომ ამ პლანეტაზე სიყვარულიც არის. დედა, მიყვარხარ. და მიყვარხარ შენ – გლორია ესტეფან,” – თქვა არტისტმა სცენაზე გამოსვლისას. 

ღონისძიება Billboard-ის დაჯილდოების, Woman of the Year-ის პროდუქტია და მისი ლათინურიამერიკული ანალოგია. ცერემონიაზე არაერთი მონაწილის საგანგებო მადლობის ადრესატი სწორედ გამოცემა Billboard იყო. 

“მადლობას ვუხდი Billboard-ს, რომ ქალებისთვის ამას აკეთებს. ჩვენ ჯერ კიდევ ბევრი ბარიერი გვხვდება, რომლებიც უნდა გადავლახოთ, მაგრამ წინ კარგად მივიწევთ,” – აღნიშნა ანა ბარბარამ ჯილდოს მიღებისას წარმოთქმულ სიტყვაში. 

Share
Tweet
Share
Share
Share

წინა სტატია

The Tiger Lillies – ალტერნატიული კაბარეს ნათლიები Tbilisi Open Air-ის სცენაზე

შემდეგი სტატია

M.I.A. – მსოფლიო მუსიკალური სცენის მეამბოხე არტისტი

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი