ჯეი-ზიმ ტომ ბრედის New England Patriots-ის დიდების დარბაზში შესვლის ცერემონია გახსნა

ფანებისთვის რეპერის გამოჩენა სიურპრიზი იყო.
ჯეი-ზი ჩემპიონთა ლიგის ფინალზე
Nicolò Campo/LightRocket via Getty Images

ჯეი-ზიმ ათასობით ფანი გააოცა, როცა ტომ ბრედის New England Patriots-ის დიდების დარბაზში შესვლის ცერემონია გახსნა.

რეპერი სცენაზე კვამლიდან გამოჩნდა თავისი ცნობილი ფრაზით Public Service Announcement-იდან: „ნება მიბოძეთ, თავი წარმოგიდგინოთ.” მაყურებლები გაოცებულები დარჩნენ, რადგან წარმოდგენაც არ ჰქონდათ, რომ მათ წინაშე თავად ჯეი-ზი იდგა. „ხელი აწიეთ ყველა დროის საუკეთესო ტომ ბრედისთვის,” – მოუწოდა აუდიტორიას რეპერმა. 

ჯეი-ზის გამოსვლის შემდეგ სცენაზე ტომ ბრედი შემოვიდა. მის გამოჩენას დიდი ოვაციები მოჰყვა „ჯილეტის სტადიონზე”, რომელსაც სპორტსმენი სახლს ეძახდა, რადგან ის 20 წლის განმავლობაში New England Patriots-ის წევრი იყო. როგორც ცნობილია, ბრედის შემდეგ გუნდში 12-ნომრიან მაისურს აღარავინ ჩაიცვამს.

2014 წელს ბრედი ამბობდა, რომ ჯეი-ზის დიდი ფანი იყო. რეპერსა და სპორტსმენს წლების განმავლობაში მეგობრული ურთიერთობა აკავშირებდათ. ჯეი-ზი ეროვნული საფეხბურთო ლიგის გართობის სტრატეგიის მიმართულებით მუშაობს და ყოველწლიურად აორგანიზებს Super Bowl-ის შოუებს. ბოლო დროს რეპერი და Super Bowl-ის შვიდგზის ჩემპიონი ტომ ბრედი ერთად აქტიურად ესწრებოდნენ ღონისძიებებს.  

ნახეთ ჯეი-ზის გამოსვლა

Share
Tweet
Share
Share
Share

წინა სტატია

„მე პაწია მერცხალი ვარ” – მიუზიკლის პრემიერა რუსთაველის თეატრში

შემდეგი სტატია

ფარელ უილიამსმა Despicable Me 4-ის საუნდტრეკი წარადგინა

შეიძლება დაგაინტერესოთ

კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
მეტი

მუსიკოსები და სხვა ცნობილი ადამიანები ჯო ბაიდენის მიერ საპრეზიდენტო არჩევნებში კანდიდატურის მოხსნას ეხმიანებიან

„ჯო ბაიდენი ისტორიაში შევა, როგორც ადამიანი, რომელმაც თავისი საპრეზიდენტო ვადის ბოლო ეტაპზეც მნიშვნელოვან წარმატებას მიაღწია,” - განაცხადა ბაიდენის მხარდამჭერმა ბარბრა სტრეიზანდმა.
მეტი