2024 წლის Tony Awards-ის საღამოს ბროდვეის თეატრის ერთ-ერთი ყველაზე პოპულარული მიუზიკლის, Wicked-ის ფილმის თიზერი გამოქვეყნდა. თრეილერში არიანა გრანდე მიუზიკლის მთავარი სიმღერის, Popular-ის ნაწყვეტებს ასრულებს.
30-წამიან ვიდეოთიზერში მიუზიკლის სახელწოდება Wicked კადრებს შორის ნელ-ნელა ჩნდება. პოპვარსკვლავი არიანა გრანდე ვარდისფერ საპნის ბუსტში ზის, ფონად კი მის მიერ შესრულებული სიმღერა ისმის.
Wicked-ის სრულმეტრაჟიანი ტრეილერი, არიანა გრანდეს სიმღერით, გასულ თვეს გამოქვეყნდა. მანამდე კი მაყურებელმა ტრეილერის მოკლე ვერსია 2024 წლის Super Bowl-ის დროს იხილა.
ახალი ვიდეოთიზერი მას შემდეგ გამოვიდა, რაც არიანა გრანდემ ფილმზე Tonight Show-ში ჯიმი ფელონთან ისაუბრა. შოუში მომღერალმა თავისი ბოლო ალბომიდან Eternal Sunshine სიმღერა The Boy Is Mine შეასრულა.
ნახეთ მიუზიკლ Wicked-ის უახლესი ვიდეოთიზერი, სადაც არიანა გრანდე სიმღერა Popular-ს ასრულებს. ფილმის პრემიერა მადლიერების დღეს, 2024 წლის 27 ნოემბერს შედგება.
Follow my lead…✨ pic.twitter.com/xIIxhD8rQF
— Wicked Movie (@wickedmovie) June 17, 2024
