Black Eyed Peas-ის კონცერტი თბილისში

გრანდიოზული კონცერტი 7 ივლისს გაიმართება

არაერთგზის გრემის მფლობელი ცნობილი ამერიკული მუსიკალური ჯგუფი Black Eyed Peas 7 ივლისს დინამო არენაზე კონცერტს Stage Love Affair-ის ორგანიზებით გამართავს.  

The Black Eyed Peas-ის მუსიკა ძირითადად ჰიპ-ჰოპს, პოპს R&B-ს და ელექტრონულ მუსიკას მოიცავს. ბენდი 1995 წელს ლოს-ანჯელესში ჩამოყალიბდა. Ჯგუფის მესამე სტუდიურმა ალბომმა Elephunk მათ მუსიკალურ კარიერაში მთავარი როლი შეასრულა. ალბომში შესულია ისეთი ჰიტები როგორიცაა Where Is the Love? ჯასტინ ტიმბერლეიკის მონაწილეობით, Shut Up და Let’s Get It Started. 2005 წელს გამოსულ ალბომ Monkey Business-ში კი შესულია ჯგუფის ცნობილი სიმღერები Don’t Phunk with My Heart, My Humps და Pump It. სიმღერა Pump It-ში დიდწილად გამოყენებულია მუსიკა დიკ დეილის 1962 წლის Misirlou-დან, რომელიც კვენტინ ტარანტინოს 1994 წლის ფილმიდან Pulp Fiction არის ცნობილი. ჰიტმა Billboard Hot 100-ში მე-18 ადგილი დაიკავა.

მთლიანობაში 80 მილიონი ჩანაწერის გაყიდვით The Black Eyed Peas ყველა დროის ერთ-ერთ საუკეთესოდ გაყიდვად ჯგუფად იქცა. Მათი ბოლო  პროექტი 2020 წელს გამოსული ალბომი Translation გახლავთ, სადაც პოპ-ჟღერადობის ელემენტები და ლათინოამერიკული მუსიკის გავლენა იგრძნობა. ალბომზე ბენდმა ისეთ არტისტებთან ითანამშრომლა, როგორებიც არიან შაკირა, მალუმა და ჯეი ბალვინი. 

აღსანიშნავია, რომ  Black Eyed Peas-მა 2019 წელს შეკვეთილში Black Sea Arena-ზე ერთხელ უკვე გამართა გრანდიოზული კონცერტი, წელს კი უკვე თბილისში, დინამო არენაზე, საზაფხულო ტურნეს ფარგლებში, 7 ივლისს მსმენელს დაუვიწყარ შოუს ჰპირდება. 

ბილეთების შეძენა ამ ბმულზე შეგიძლიათ.

Share
Tweet
Share
Share
Share

წინა სტატია

ნახეთ ალბომები, რომლებიც 2024 წლის განმავლობაში გამოვა

შემდეგი სტატია

ელტონ ჯონი გამოსამშვიდობებელ Farewell Yellow Brick Road ტურნეზე, 2022 წლის 17 ნოემბერი, დოჯერის სტადიონი, ლოს-ანჯელესი. ფოტო: სკოტ დუდელსონი

ელტონ ჯონის ახალი დოკუმენტური ფილმის დებიუტი ტორონტოს საერთაშორისო კინოფესტივალზე შედგება

შეიძლება დაგაინტერესოთ

კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
მეტი

მუსიკოსები და სხვა ცნობილი ადამიანები ჯო ბაიდენის მიერ საპრეზიდენტო არჩევნებში კანდიდატურის მოხსნას ეხმიანებიან

„ჯო ბაიდენი ისტორიაში შევა, როგორც ადამიანი, რომელმაც თავისი საპრეზიდენტო ვადის ბოლო ეტაპზეც მნიშვნელოვან წარმატებას მიაღწია,” - განაცხადა ბაიდენის მხარდამჭერმა ბარბრა სტრეიზანდმა.
მეტი