ბილი აილიში ტიკტოკზე აბაზანაში გადაღებულ ვიდეოს აქვეყნებს, რომელშიც ის ფრენკ ოუშენის სიმღერას Solo-ს ასრულებს. „კორეაში”, – წერს მომღერალი ვიდეოზე.
Solo შესულია ფრენკ ოუშენის მეორე ალბომში, სახელწოდებით Blonde. მიუხედავად იმისა, რომ სინგლის სახით არ გამოცემულა, სიმღერა Billboard Hot 100-ის 96-ე ადგილს იკავებდა. თავად Blonde კი 2016 წელს Billboard 200-ის ლიდერი გახდა და საბოლოოდ 386 კვირა გაატარა ჩარტში.
რაც შეეხება ბილი აილიშს, მან წელს მესამე სტუდიური ალბომი Hit Me Hard and Soft გამოუშვა, რომელიც Billboard Hot 100-ის მეორე ადგილზე გავიდა და გახდა მომღერლის მესამე ალბომი, რომელიც მიყოლებით შევიდა ტოპ ათეულში. აილიში ასევე გახდა მესამე არტისტი, რომელმაც სპოტიფაიზე 100 მილიონ თვიურ მსმენელს მიაღწია (ტეილორ სვიფტისა და The Weeknd-ის შემდეგ).
Solo-ს ეს ქავერი არ არის პირველი შემთხვევა, როცა აილიშმა ოუშენის კომპოზიცია იმღერა. 2017 წელს ფინეასთან ერთად მან Thinkin Bout You-ს ქავერიც შეასრულა.
ნახეთ ბილი აილიშის ვიდეო:
@billieeilish in korea
♬ original sound – BILLIE EILISH
