ორსული ჰეილი ბიბერი ყურადღების ცენტრშია. ახლახან ვარსკვლავი თავის ქმართან, ჯასტინ ბიბერთან ერთად ნიუ-იორკში, რესტორანში სავახშმოდ მიმავალი დააფიქსირეს. ჰეილის ტანზე მომდგარი შავი მაქმანებიანი კოსტიუმი ეცვა, რომელშიც მისი გაზრდილი მუცელი კარგად ჩანდა.
ჯასტინმა და ჰეილიმ მომავალი შვილის შესახებ სიახლე მაისში გაავრცელეს. წყვილმა ინსტაგრამზე ფოტოები და ვიდეოები გამოაქვეყნა, რომელშიც თეთრ კაბაში გამოწყობილი ორსული ჰეილი პოზირებს. კადრში ასევე ჩანს ჯასტინ ბიბერი, რომელიც ჰეილი ბიბერს ფოტოს უღებს. წყვილმა სოციალურ ქსელში ასევე გამოაქვეყნა ვიდეოები, რომლებშიც ასახულია მომენტი, თუ როგორ დებენ ისინი ქორწინების ფიცს ხელახლა.
ჯასტინმა და ჰეილიმ 2018 წლის სექტემბერში ოფიციალურად იქორწინეს. ერთი წლის შემდეგ, მათ ტრადიციული საქორწილო ცერემონია სამხრეთ კაროლინაში გადაიხადეს.
