24 ივნისს ბილბორდმა საბრინა კარპენტერის სიმღერა Please Please Please ბილბორდ 100-ის პირველ ჰიტ-სიმღერად დაასახელა. საბრინა კარპენტერის სიმღერა Espresso კი პირველ ხუთეულში მეოთხე ადგილზე გავიდა.
ეს სიახლე საბრინამ ინსტაგრამზე და X-ზე (ტვიტერზე) გამოაქვეყნა: „არ მგონია ვინმეს ოდესმე ასე გახარებოდა სინგლის წარმატება. ღმერთო ჩემო“ – წერს საბრინა X-ზე.
“ჩემი პირველი #1 @billboard HOT 100-ზე!!!!!!! და Espresso #4-ზე… უზომოდ მადლობელი ვარ. მთელი ცხოვრების მანძილზე ეს დღე აუცილებლად მემახსოვრება. @jackantonoff @amyallen ძალიან მიყვარს ეს სიმღერა და ორივე ძალიან მიყვარხართ. მადლობა ყველას ვინც მომისმინა, ძალიან გასახარია ეს ყველაფერი, მალე კიდევ უფრო მეტი იქნება“ – წერს საბრინა ინსტაგრამზე.
ამავდროულად ბილბორდ გლობალ 200-ში საბრინა კარპენტერის სიმღერებს Please Please Please და Espresso-ს პირველი ორი ადგილი უჭირავს.
სიმღერები Espresso და Please Please Please საბრინა კარპენტერის ალბომ Short n’ Sweet-ის პირველი ორი სინგლია. ალბომის მხარდასაჭერი ტური კი სექტემბერში დაიწყება.
ნახეთ საბრინა კარპენტერის ინსტაგრამ პოსტი:
