24 აგვისტოს „ერისიონი” Black Sea Arena-ზე კონცერტს გამართავს

კონცერტი სახელწოდებით „ქართული საგანძური” Starring Georgia-ს ფარგლებში შედგება.

24 აგვისტოს Starring Georgia-ს ფარგლებში ქართული ხალხური სიმღერისა და ცეკვის ლეგენდარული ანსამბლი „ერისიონი” კონცერტს შეკვეთილში, Black Sea Arena-ზე გამართავს. „ქართული საგანძური” – ასე ჰქვია შოუ-პროგრამას, რომლითაც ანსამბლი წელს ევროპული ტურნეს ფარგლებში 4 ქვეყნის 12 ქალაქს ეწვია.

140-წლიანი ისტორიის მქონე ანსამბლის კონცერტები სრული ანშლაგით მიმდინარეობს როგორც საზღვარგარეთ, ასევე საქართველოში. Black Sea Arena-მ აქამდე ორჯერ უმასპინძლა „ერისიონის” კონცერტს და ორივე მათგანმა ქართული ანსამბლისთვის უპრეცედენტო დასწრების ფონზე ჩაიარა. 24 აგვისტოს კი მაყურებელს კიდევ ერთხელ ექნება ლეგენდარული ანსამბლის სცენაზე ნახვის შესაძლებლობა. 

კამპანია Starring Georgia საქართველოს მთავრობის მხარდაჭერითა და Black Sea Arena-ს ორგანიზებით წელს უკვე მეორედ ტარდება. 2024 წლის სეზონზე შეკვეთილს უკვე ეწვივნენ მსოფლიო ბენდები: OneRepublic და Scorpions. ზაფხულის ბოლომდე კი მაყურებლის წინაშე Jungle და „ერისიონი” წარდგებიან.

ბილეთების გაყიდვა 5 ივლისს დაიწყება ვებგვერდზე tkt.ge.

Share
Tweet
Share
Share
Share

წინა სტატია

ქართველი არტისტის, Saphileaum-ის ახალი  EP ფრანგულ ლეიბლზე გამოიცემა

შემდეგი სტატია

ჯაზისა და საგუნდო მუსიკის მოტივები – ნუცი ნებიერიძისა და გორის ქალთა გუნდის ერთობლივი კონცერტი

შეიძლება დაგაინტერესოთ

კამალა ჰარისი კამპანიის ფარგლებში თავისი გუნდის წინაშე ბიონსეს Freedom-ის ფონზე წარდგა

ჰარისმა გუნდს მას შემდეგ მიმართა, რაც ჯო ბაიდენმა 2024 წლის საპრეზიდენტო არჩევნებში დემოკრატების კანდიდატად მხარი მას დაუჭირა.
მეტი

მუსიკოსები და სხვა ცნობილი ადამიანები ჯო ბაიდენის მიერ საპრეზიდენტო არჩევნებში კანდიდატურის მოხსნას ეხმიანებიან

„ჯო ბაიდენი ისტორიაში შევა, როგორც ადამიანი, რომელმაც თავისი საპრეზიდენტო ვადის ბოლო ეტაპზეც მნიშვნელოვან წარმატებას მიაღწია,” - განაცხადა ბაიდენის მხარდამჭერმა ბარბრა სტრეიზანდმა.
მეტი