გვენ სტედფანი ბლეიკ შელტონთან ქორწინების სამ წელს სოციალურ ქსელში პოსტს უძღვნის. მომღერალმა ინსტაგრამზე ფოტოების სერია გამოაქვეყნა, რომელზეც წყვილის ქორწილის ცერემონიაა აღბეჭდილი.
„3 ივლისი, 2021 წელი,” – ვკითხულობთ გვენ სტეფანის პოსტის აღწერაში. ცოლთან ერთად გადაღებული ფოტო ბლეიკ შელტონმაც გამოაქვეყნა. „მიყვარხარ!,” – ასე დაასათაურა მან პოსტი.
შელტონი და სტეფანი ერთმანეთს პროექტ The Voice-ში შეხვდნენ. ორივე მათგანი მუსიკალური კონკურსის მენტორი იყო. წყვილმა 2021 წელს იქორწინა. გვენ სტეფანის ყოფილ ქმართან, გევინ როსდეილთან, სამი ვაჟი ჰყავს. წყვილი 13 წელი იყო დაქორწინებული, იქამდე კი 6 წელი ხვდებოდნენ ერთმანეთს. სტეფანი და როსდეილი 2015 წელს განქორწინდნენ.
რაც შეეხება გვენ სტეფანის და ბლეიკ შელტონის წყვილს, წელს მათ ერთობლივი მუსიკალური ნამუშევარი, Purple Irises წარადგინეს. თებერვალში შელტონმა ასევე გამოსცა 6-ტრეკიანი EP – Love Language. ამ ნამუშევარში გვენ სტეფანისთან ერთად ჩაწერილი ნამუშევრებიც შევიდა.
2023 წელს გვენ სტეფანიმ ჟურნალ People-თან ინტერვიუში ბლეიკ შელტონთან ურთიერთობაზე ისაუბრა. „ასეთი სიყვარულის პირველად განცდა დიდი საჩუქარი იყო. მან ჩემი ცხოვრება შეცვალა,”- აღნიშნა სტეფანიმ.
