4 მაისს კენდრიკ ლამარმა ტრეკი სახელწოდებით Not Like Us გამოსცა, რომლის ტექსტითაც დრეიკს დაუპირისპირდა. ახლახან კი სოციალურ მედიაში გავრცელდა ფოტოები, რომლითაც ირკვევა, რომ ტრეკის ვიდეო კლიპის გადაღებები მიმდინარეობს.
Not Like Us გამოსვლიდან მალევე სოციალური მედიის ყურადღების ცენტრში მოექცა. ტრეკი მუსიკალურ ჩარტებშიც დაწინაურდა და Billboard Hot 100-ის პირველი ადგილი დაიკავა.
რაც შეეხება გავრცელებულ კადრებს, ერთ-ერთ ფოტოში კენდრიკ ლამარი თავის პარტნიორ უიტნი ალფორდთან და ორ შვილთან ერთად არის გადაღებული. გავრცელებული ფოტო მსმენელებს უქმნის მოლოდინს, რომ შესაძლოა ახალმა ნამუშევარმა რეპერის პიროვნული პორტრეტი აჩვენოს.
გადაღებები კალიფორნიაში, კენდრიკ ლამარის მშობლიურ ქალაქ კომპტონში მიმდინარეობს. ვიდეოს გამოსვლის ზუსტი თარიღი ჯერჯერობით უცნობია.
Kendrick Lamar in the “Not Like Us” music video.
— Pop Crave (@PopCrave) July 4, 2024
Coming soon. pic.twitter.com/HMoGWgzAAS
