ცნობილი მევიოლინე ლიანა ისაკაძე 78 წლის ასაკში გარდაიცვალა.
ლიანა ისაკაძემ 1970 წელს დაამთავრა მოსკოვის კონსერვატორია. 1970-1992 წლებში კი იყო მოსკოვის ფილარმონიის სოლისტი. 1981-1995 წლებში ისაკაძე იყო საქართველოს სახელმწიფო კამერული ორკესტრის მხატვრული ხელმძღვანელი.
90-იანი წლებიდან ქართველი მევიოლინეს შემოქმედება გერმანიას დაუკავშირდა. 1990 წელს ისაკაძემ ქალაქ ინგოლშტადტში საქართველოს კამერული ორკესტრი ჩაიყვანა, რომელიც უკვე წლებია „ინგოლშტადტის კამერული ორკესტრის” სახელით მოღვაწეობს. 1992 წელს კი ამავე ქალაქში მან თავისი პედაგოგის, დავით ოისტრახის სახელობის მუსიკალური აკადემია დააარსა.
1965 წლიდან ლიანა ისაკაძე გასტროლებს მთელი მსოფლიოს მასშტაბით მართავს. ის არის არაერთი საერთაშორისო კონკურსის ლაურეატი, მათ შორის მარგარიტ ლონგისა და ჟაკ ტიბოს სახელობის კონკურსის პირველი ადგილის მფლობელი, ჩაიკოვსკის სახელობის კონკურსის მესამე ადგილისა და სიბელიუსის სახელობის კონკურსის პირველი ადგილის მფლობელი.
ლიანა ისაკაძე იყო კლასიკური მუსიკის საერთაშორისო ფესტივალის „ღამის სერენადების” დამფუძნებელი. დაჯილდოებულია ღირსების ორდენით.
