ვიდეო, რომელსაც გულშემატკივრები ყველაზე მეტად ელოდნენ, როგორც იქნა, გამოვიდა. კენდრიკ ლამარის სიმღერა Not Like Us, რომელიც რეპერის მუსიკალური თავდასხმაა დრეიკზე და რომელმაც 8 კვირა გაატარა Billboard Hot 100-ში, ჯერ კიდევ თავისი წარმატებით ტკბება. კომპოზიცია ისმის კლუბებში, სპორტულ არენებზე, საბავშვო წვეულებებზე და ა.შ.
თუმცა, მიუხედავად იმისა, რომ სიმღერა ორი თვის განმავლობაში ყველა არხის დომინანტია და კენდრიკმა The Pop Out-ის კონცერტის ბოლოს ის რამდენჯერმე შეასრულა, ფანები განსაკუთრებულად ელოდნენ მის ვიდეოს.
მას შემდეგ კი, რაც ვიდეოკლიპიდან რამდენიმე კადრმა გაჟონა, კენდრიკმა საბოლოოდ ვიდეო სრულად გამოაქვეყნა. კლიპის რეჟისორები თავად რეპერი და დეივ ფრი არიან (რომლის კამეოც არის კლიპში). სახალისო ვიდეო რამდენიმე მონაკვეთში პირდაპირ ასახავს სიმღერის ტექსტს. 6-წუთიანი კლიპის კულმინაციას კი ის სცენა წარმოადგენს, სადაც კენდრიკი მის საცოლე უიტნი ალფორდთან და მათ ორ შვილთან ერთად პოზირებს, სანამ ყველანი ცეკვას დაიწყებენ. ეს არის გაბათილება დრეიკის Family Matters-ში გამოთქმული აზრისა, სადაც ის ამტკიცებდა, თითქოს, ალფორდი და ლამარი ერთმანეთს დაშორდნენ და რეპერი შვილებს რეგულარულად არ ნახულობდა.
როგორც ჩანს, ვიდეო კიდევ უფრო გაახანგრძლივებს Not Like Us-ის პოპულარობას.
ნახეთ ვიდეოკლიპი:
