Kordz, ჯგუფი Mechanical Rainbow და სტეფანე კოლაბორაციულ სიმღერას წარადგენენ. SDEQ – ასე ჰქვია ტრეკს, რომელიც პირველად Tbilisi Open Air-ის მთავარ სცენაზე Mechanical Rainbow-ს გამოსვლის დროს შესრულდა.
„Kordz-მა და ჩვენ გადავწყვიტეთ, რომ შეხვედროდით და ერთობლივ სიმღერაზე გვემუშავა. მელოდია, რომელზეც ეს ტრეკი შეიქმნა, Kordz-ის ე.წ. მუსიკალურ არქივებში იყო და სხვადასხვა ლაივზე ჟღერდებოდა. გადავწყვიტეთ, სწორედ ამ მელოდიაზე გვემუშავა. თავიდან უბრალოდ ექსპერიმენტული პროცესი იყო, შემდეგ ვოკალური ნაწილი დაიწერა, შემდეგ ინსტრუმენტული და ასე აიგო მთლიანი ტრეკი. საბოლოოდ სამუშაო პროცესს სტეფანეც შემოუერთდა და ტრეკი ერთობლივად ჩავწერეთ,” – აღნიშნა Mechanical Rainbow-ს ვოკალისტმა დადუ დონაძემ Billboard Georgia-სთან საუბრისას.
SDEQ 17 ივლისს სხვადასხვა მუსიკალურ სტრიმინგ პლატფორმაზე განთავსდება.
ნახეთ ვიდეო, რომლითაც მუსიკოსებმა ახალი ტრეკის გამოსვლა დააანონსეს:
