12 ივლისს ემინემმა დაპირებული ალბომი The Death of Slim Shady (Coup de Grâce) გამოსცა. ნამუშევარი 19 ტრეკს აერთიანებს და ის მალევე იქცა სოციალურ მედიაში ერთ-ერთ მთავარ განხილვის თემად.
როგორც სოციალური ქსელების მომხმარებლები აღნიშნავენ, LP იმდენად კარგია, რომ სიტყვებით ამის გადმოცემა შეუძლებელია. ფანები წერენ, რომ ემინემი დღემდე ერთ-ერთი საუკეთესო რეპერია, რომლის
ყველა ალბომი ჰიტი ხდება. “[ემინემმა] კიდევ ერთხელ გვაჩვენა, რისი გაკეთება შეუძლია,” – წერია სოციალურ ქსელში გამოქვეყნებულ ერთ-ერთ პოსტში.
„მან ახლახან ბოლო ათწლეულის საუკეთესო ალბომი გამოსცა,” – ვკითხულობთ პოსტში. ამავე კომენტარის ავტორი აღნიშნავს, რომ ემინემთან შეჯიბრი შეუძლებელია.
ალბომის The Death of Slim Shady (Coup de Grâce) გამოცემამდე ემინემმა 2020 წელს გამოუშვა LP Music to Be Murdered By. ბოლო ალბომის გამოსვლიდან საათების შემდეგ ფანებს უკვე საყვარელი სინგლებიც ამორჩეული ჰქონდათ – Tobey, Houdini, Somebody Save Me – ეს ის ნამუშევრებია, რომლებიც მსმენელები ხშირად განიხილავენ.
მაგრამ ყველაზე საყვარელი ტრეკი მაინც Temporary აღმოჩნდა, რომელიც გამორჩეულად ემოციური ნამუშევარია. ტრეკი მოიცავს ემინემის ქალიშვილის, ჰეილის ძველ ჩანაწერებს და მასვე ეძღვნება.
Temporary და Somebody Save Me ალბომის ყველაზე კონტრასტული სინგლებია. თუ დანარჩენი ტრეკები იუმორით და სარკაზმით არის გაჯერებული, ეს ორო ნამუშევარი ემოციური და მელანქოლიურია. ეს კონტრასტი მსმენელებისთვისაც შთამბეჭდავი იყო და აღნიშნეს, რომ 45-წუთიანი სიცილის შემდეგ ამ ტრეკებმა მათი ატირება შეძლო.
ნახეთ რამდენიმე პოსტი, რომლითაც ფანები ემინემის ახალ ალბომს აფასებენ:
Eminem walking out the studio after making album of the year#TheDeathOfSlimShady pic.twitter.com/LuyfuXgbEW
— MusicMuse (@MusicMuse42O) July 12, 2024
Me hearing "Temporary" and "Somebody Save Me" after laughing and vibing for 45 minutes. #Eminem #TheDeathOfSlimShady pic.twitter.com/ueikN0uKnp
— Tom Smalz (@Beneaththesmalz) July 12, 2024
