გიორგი გიგაშვილი ალბომით Meeting My Shadow ნომინირებულია Edison Awards-ზე. მუსიკოსი წარდგენილია ნომინაციაში – NEWCOMERS. Edison Awards ნიდერლანდების ყველაზე პრესტიჟული მუსიკალური დაჯილდოებაა, რომელიც 1960 წლიდან იმართება. მას ხშირად გრემისაც კი ადარებენ. ჟიური სხვადასხვა ნომინაციაში ჯილდოს გადასცემს ხელოვანებს, რომლებმაც მუსიკალურ ინდუსტრიაში მნიშვნელოვან წარმატებას მიაღწიეს. Edison Awards-ის დაჯილდოების ცერემონია 7 ოქტომბერს ამსტერდამში გაიმართება.
ეს სიახლე გიორგი გიგაშვილმა თავად გაუზიარა მსმენელს. “ამასობაში მე, ჩემი ალბომით Meeting My Shadow, ნომინირებული ვარ Edison Awards ზე NEWCOMERS ნომინაციაში. სიხარულს და ბედნიერებას ვერ ვმალავ. დაჯილდოება გაიმართება ამსტერდამში 7 ოქტომბერს”, — წერს მუსიკოსი სოციალურ ქსელში.
