კეტი პერი კიდევ ერთ ახალ მუსიკალურ ნამუშევარს გამოსცემს. პოპ ვარსკვლავმა სიმღერა Lifetimes-ის 30-წამიანი თიზერი გაავრცელა. ტრეკი შევა მომღერლის დაანონსებულ ალბომში სახელწოდებით „143”. გარდა თიზერისა, არტისტმა სოციალურ ქსელში ვიდეოც გამოაქვეყნა, რომელშიც ის თავის ახალ ტრეკზე ცეკვავს. ამ ვიდეოში კეტი პერის ფანებიც ჩანან და, როგორც აღმოჩნდა, კადრები ალბომის გამოსვლის წინ გამართულ წვეულებაზეა გადაღებული.
„143”-ის გამოცემა 20 სექტემბერს იგეგმება. ეს პირველი ახალი ალბომი იქნება მას შემდეგ, რაც 2020 წელს არტისტმა Smile გამოუშვა.
11 ივლისს კეტი პერიმ დაანონსებული ალბომის წამყვანი სინგლის, Woman’s World-ის კლიპი გამოუშვა, რომელმაც უამრავი მსმენელის კრიტიკა დაიმსახურა. აუდიტორიის ნაწილო აღნიშნავს, რომ პერის ფემინიზმის იდეა არ ესმის. ამის საპასუხოდ კეტი პერიმ კლიპის გადასაღები მოედნიდან კადრები გამოაქვეყნა. „ნებისმიერი რამ შეგიძლია გააკეთო, სატირაც კი,” – ასე დაასათაურა არტისტმა ინსტაგრამის პოსტი.
აღსანიშნავია, რომ ახალ ალბომზე მუშაობისას კეტი პერიმ ითანამშრომლა პროდიუსერ Dr. Luke-თან, რომელსაც წარსულში სექსუალურ შევიწროებაში მომღერალი Kesha ადანაშაულებდა.
ნახეთ ვიდეოები, რომლითაც კეტი პერიმ ახალი სინგლის გამოცემა დააანონსა:
