უკვე მეორე წელია, რაც იტალიის საელჩო საქართველოში წინანდლის კლასიკური მუსიკის ფესტივალის ერთ-ერთი აქტიური მხარდამჭერია. გასულ წელს საელჩოსთან თანამშრომლობით ფესტივალმა უმასპინძლა ორ კონცერტს ვაშინგტონის ეროვნული სიმფონიური ორკესტრისა და ციურიხის საოპერო თეატრის მუსიკალური დირექტორის, ცნობილი იტალიელი მაესტროს, ჯანანდრეა ნოზედას დირიჟორობით. აღსანიშნავია, რომ იტალიელი დირიჟორი წინანდლის ფესტივალის სამხატვრო ხელმძღვანელიცაა.
იტალიური წარმომადგენლობა კიდევ უფრო მრავალფეროვანი იქნება წელს, ფესტივალის მეექვსე სეზონზე. საელჩოს მხარდაჭერით, ჯანანდრეა ნოზედას ტრადიციული ორი კონცერტის გარდა, ფესტივალის სცენაზე წარდგება ორი იტალიელი სოპრანო: ერიკა გრიმალდი და ბარბარა ფრიტოლი. ასევე თბილისს ესტუმრება ცნობილი იტალიელი მაესტრო რობერტო გაბიანი, რომელიც ფესტივალისთვის თბილისის ოპერისა და ბალეტის თეატრის გუნდს მოამზადებს ვერდის „რეკვიემის” შესასრულებლად.
წინანდლის ფესტივალთან თანამშრომლობის შესახებ Billboard საქართველოს იტალიის ელჩი მასიმილიანო დ’ანტუონო ესაუბრა:
