Coldplay ახალი ალბომის გამოსაცემად ემზადება. 22 აგვისტოს კი ბენდმა ახალი სინგლი, We Pray გამოაქვეყნა, სადაც მუსიკოსები Little Simz, Burna Boy, Elyanna და TINI მონაწილეობენ.
ბენდი ამჟამად Spheres-ის მსოფლიო ტურნეში იმყოფება, რომელიც 2022 წლის მარტში დაიწყო. ბილბორდის Boxscore-ის მონაცემებით, ტურის განმავლობაში Coldplay-მ 945,7 მილიონი დოლარი გამოიმუშავა და 8,8 მილიონი ბილეთი გაყიდა, ეს კი მას ბოლო 40 წლის განმავლობაში როკ-ჯგუფების ყველაზე მაღალშემოსავლიან და გაყიდვად ტურნედ აქცევს.
Coldplay 4 ოქტომბერს მეათე სტუდიური ალბომის, Moon Music-ის გამოსაცემად ემზადება. ალბომის პირველ სინგლს feelslikeimfallinginlove ჰქვია. აღსანიშნავია, რომ Coldplay-მ კრებულის გამოსაშვებად დიდი ძალისხმევა გასწია, რათა ნამუშევარი გარემოს დაცვის ინტერესების გათვალისწინებით სუფთა და ეკოლოგიურად მდგრადი პროდუქტი ყოფილიყო.
თითოეული 140-გრამიანი LP ცხრა გადამუშავებული პლასტმასის ბოთლისგან არის შექმნილი, ხოლო CD ვერსია, როგორც განცხადებაშია აღნიშნული, მსოფლიოში პირველი EcoCD-ია, რომელიც 90% გადამუშავებული მასალისგან არის მიღებული.
მოისმინეთ Coldplay-ის ახალი სიმღერა We Pray:
