ტეილორ სვიფტის საკონცერტო ტურნე, სახელწოდებით Eras Tour, გრძელდება. 19 აგვისტოს მომღერალმა კონცერტი უემბლის სტადიონზე გამართა. შოუს მიმდინარეობისას, მოულოდნელად, მან გამოსვლა შეაჩერა, რადგან აღმოაჩინა, რომ როიალზე ერთ-ერთი ნოტი არასწორად ჟღერდა. ფანის მიერ გადაღებულ ვიდეოში სვიფტი Champagne Problems-ის შესრულებისას დაკვრას წყვეტს და ამბობს: „ეს არასწორი ნოტია”.
„კლავიშებს უნდა ჩავხედო,” – მიმართა სვიფტმა აუდიტორიას. „ვიცი, რომ ეს არასწორი ნოტია.”
14 გრემის მფლობელმა მომღერალმა საბოლოოდ პრობლემა სცენაზე ამოსული გუნდის წევრის დახმარებით გამოასწორა და დაკვრა დაუყოვნებლივ განაგრძო. „ესეც ასე, არაჩვეულებრივია!” – აღნიშნა მან.
კონცერტის მიმდინარეობისას ლონდონში წვიმდა, რასაც მომღერალი სცენიდან გამოეხმაურა. „წვიმს. სასიამოვნოა, არა? ჩემი აზრით, როდესაც წვიმა 6 წუთზე მეტხანს გრძელდება, შეგვიძლია, ოფიციალურად ვუწოდოთ წვიმის შოუ. წვიმის შოუები ძალიან, ძალიან განსაკუთრებულია. წვიმის შოუები მხოლოდ იმ აუდიტორიას ირჩევენ, რომელიც საკმარისად მხიარულია იმისათვის, რომ იზეიმოს და წვიმაში იცეკვოს.”
მომდევნო დღეს ტეილორ სვიფტმა უემბლის სტადიონზე თავისი ბოლო შოუ გამართა და ამით Eras Tour-ის ევროპული ნაწილი დახურა. დაახლოებით ერთი თვის შემდეგ არტისტი ტურნეს ჩრდილოეთ ამერიკაში გააგრძელებს. შეერთებულ შტატებსა და კანადაში დაგეგმილი კონცერტებით ტურნეს ერთწლიანი პერიოდის ფინალური სამი თვე დაიხურება.
აღსანიშნავია, რომ ლონდონში გამართულ შოუებზე ტეილორ სვიფტმა ფანებს არაერთი სიურპრიზი მოუწყო. სცენაზე მას ედ შირანი შეუერთდა. 20 აგვისტოს კი სვიფტმა ფლორენს უელში მიიწვია. არტისტებმა The Tortured Poets Department-იდან დუეტი შეასრულეს. ტეილორ სვიფტთან ერთად აუდიტორიის წინაშე წარდგა ჯეკ ანტონოფიც. მომღერლებმა ორი სიმღერის – Death By a Thousand Cuts-ის და Getaway Car-ის აკუსტიკური ვერსია შეასრულეს.
ნახეთ ვიდეო, რომელშიც ტეილორ სვიფტი ფორტეპიანოს ასწორებს:
She was so cute trying to fix the piano #LondonTSTheErasTour #TaylorSwift pic.twitter.com/TW18n1MNzK
— Ari 🦋 (@AriHKmiyy) August 20, 2024
