66 წლის იუბილედან ერთი კვირის შემდეგ მადონამ გულშემატკივრებს ოჯახური მოგზაურობის კადრები გაუზიარა. ფოტოებში ყვავილებიან კაბაში, ქუდსა და ხელთათმანებში გამოწყობილი მომღერალი ვატიკანის უძველესი არქიტექტურის ფონზე პოზირებს.
„დიდებული დაბადების დღის იდეალური დასასრული ოჯახთან და მეგობრებთან ერთად,” – წერს პოპვარსკვლავი.
ფოტოებში ვხედავთ მადონას 11 წლის ტყუპებს და მის ახალ სავარაუდო ბოიფრენდ აკიმ მორისს, რომელიც მომღერალს უმშვენებს გვერდს.
ოთხი თვის წინ პოპის დედოფალმა Celebration Tour დაასრულა, რომელიც დაგეგმილზე გვიან დაიწყო, ბაქტერიული ინფექციის დიაგნოზით მომღერლის ჰოსპიტალიზაციის გამო. 4 ივლისს მადონამ თავის გამოჯანმრთელებას პოსტი მიუძღვნა. „მე სასწაულებრივად გადავრჩი და საოცარი წელიწადი მქონდა. მადლობა ღმერთს. ცხოვრება მშვენიერია,” – წერდა მომღერალი.
მომდევნო თვეს კი მადონა და მისი ტყუპი ქალიშვილები ფილმის Deadpool & Wolverine-ის პრემიერაზე გამოჩნდნენ, რომელშიც მომღერლის 1989 წლის ჰიტი Like a Prayer არის გამოყენებული.
