კანიე უესტმა და Ty Dolla $ign-მა სამხრეთ კორეაში, გოიანგის სტადიონზე ერთობლივი ალბომის, Vultures 2-ის მოსმენის წვეულება გამართეს. მუსიკალურ საღამოს ათასობით კორეელი ფანი ესწრებოდა.
საღამოს მსვლელობისას კანიე უესტი თავის ცნობილ ჰიტებსაც ასრულებდა. შესრულებული ტრეკების რაოდენობამ 70-ს გადააჭარბა და მათ შორის იყო ისეთი ცნობილი ნამუშევრები, როგორებიც არის Runaway და Famous.
უესტმა შესრულებისას სცენიდან მრავალი მიმართვა გააჟღერა. მან არაერთი ისეთი ცნობილი ადამიანი ახსენა, რომლებთანაც საჯარო დაპირისპირება აქვს. მათ შორის იყვნენ დრეიკი და Jay-Z. დრეიკს უესტმა ჰიტი სახელწოდებით I Wonder მიუძღვნა. გულშემატკივართა ნაწილის აზრით, ეს დრეიკის მიმართ ირონია იყო, რადგან რეპერები კარგი ურთიერთობით არ გამოირჩევიან. თუმცა რეალურად, დრეიკი კანიე უესტის 2007 წელს გამოცემული ამ კომპოზიციის დიდი ფანია.
“Diamonds From Sierra Leone”
— 𝗔𝗽𝗼𝗹𝗹𝗼 (@apollovwrld) August 23, 2024
Kanye shouted out multiple people, including Jay Z.🔥👀 pic.twitter.com/sJNCXuTOq1
სცენაზე ყოფნისას კანიე უესტმა ცუდ კონტექსტში მოიხსენია ყოფილი პარტნიორი – კომპანია Adidas. ჰიტის, Can’t Tell Me Nothing-ის შესრულების წინ რეპერმა დაიყვირა „F— Adidas” და ამ შეძახილს ათიათასობით ფანი შეუერთდა.
Ye ask the crowd to scream "FUCK ADIDAS" and then perform "Can’t Tell Me Nothing" pic.twitter.com/R2x2ZKFr5l
— Donda Times (@dondatimes) August 23, 2024
როგორც აღმოჩნდა, კანიე უესტი მეტად იყო ფოკუსირებული თავისი ტრეკების შესრულებაზე, ამიტომ ეს საღამო ალბომის მოსმენის წვეულების ფორმატისაგან განსხვავდებოდა. „კორეა, ეს არის Yeezy. მე თქვენ მიყვარხართ,” – მიმართა აუდიტორიას არტისტმა. აღსანიშნავია, რომ კანიე უესტმა კორეაში კონცერტი ბოლოს 15 წლის წინ გამართა.
კანიე უესტი და Ty Dolla $ign აზიაში კვლავაც აპირებდნენ დარჩენას, სადაც ალბომის მოსმენის წვეულება ტაივანში უნდა გაემართათ. თუმცა დაგეგმილი საღამო ჯერჯერობით უცნობი მიზეზების გამო გაუქმდა.
Vultures 2, რომელიც კანიე უესტისა და Ty Dolla $ign-ის კოლაბორაციული ალბომია, 3 აგვისტოს გამოიცა და Billboard 200-ის მუსიკალურ ჩარტში მეორე ადგილი დაიკავა.
ნახეთ გოიანგის სტადიონზე გამართული კონცერტის ვიდეო.
