ცნობილი „ერას ტურის“ ევროპული შოუების შემდეგ ტრევის კელსი და ტეილორ სვიფტი გარკვეულ დროს დასვენებას უთმობენ. წყვილი როდ-აილენდზე, ცნობილ მეგობრებთან წვეულებაზე შენიშნეს. საღამოზე მათთან ერთად ბრედლი კუპერი, ტრევისის ძმა ჯეისონ კელსი, მისი მეუღლე კაილი, პატრიკ და ბრიტანი მაჰონები, ბლეიკ ლაივლი და რაიან რეინოლდსიც იმყოფებოდნენ.
აღსანიშნავია, რომ ტრევის კელსი ტურნეს განმავლობაში ტეილორის ათზე მეტ კონცერტს დაესწრო. სცენაზე კი მისი დებიუტი ლონდონში, სიმღერა I Can Do It With a Broken Heart-ის დროს შედგა, სადაც, სცენარის მიხედვით, თითქოსდა, დაღლილი ტეილორი ხელში აყვანილი დივნამდე მიიყვანა, შემდეგ კი გაამხნევა და შოუს გაგრძელებისკენ მოუწოდა.
„ერას ტურის“ ჩრდილოამერიკული ნაწილი კანადის ქალაქ ტორონტოში 14 ნოემბერს დაიწყება და ვანკუვერში 8 დეკემბერს დასრულდება.
