წინანდლის კლასიკური მუსიკის ფესტივალის მხარდამჭერთა შორის, წლებია, ადგილს იკავებს ნორვეგიის საელჩო საქართველოში. ნორვეგიული მხარე ფესტივალთან 2022 წლიდან თანამშრომლობს. კონკრეტულად კი ის პანკავკასიური ორკესტრის მხარდამჭერია, რომელიც წინანდლის ფესტივალის წიაღში დაარსდა და მისი ერთ-ერთი მთავარი შემადგენელი ნაწილია.
პანკავკასიური ორკესტრი აერთიანებს ახალგაზრდა მუსიკოსებს კავკასიიდან და მეზობელი ქვეყნებიდან, მათ შორის კონფლიქტური რეგიონებიდან. 10 ქვეყნის მუსიკოსებისგან შემდგარ ორკესტრს მსოფლიოში აღიარებული დირიჟორი ჯანანდრეა ნოზედა ხელმძღვანელობს.
ახალგაზრდა მუსიკოსების ხელშეწყობის გარდა, პროექტი კიდევ ერთ მისიას ემსახურება. პანკავკასიური ორკესტრი არის წინანდლის ფესტივალის გზავნილი მშვიდობისთვის. უნიკალური პროექტის განხორციელება მისი მხარდამჭერების საშუალებით გახდა შესაძლებელი, რომელთა შორისაც არის ნორვეგიის სამეფოს საელჩო საქართველოში.
ნორვეგიის ელჩი ბერგლიოტ ჰოვლანდი Billboard საქართველოს სწორედ პანკავკასიური ორკესტრისა და მისი მნიშვნელობის შესახებ ესაუბრა:
