ჯგუფ Oasis-ის ცნობილი ალბომი Definitely Maybe გამოცემიდან 30 წლის შემდეგ გაერთიანებული სამეფოს მუსიკალურ ჩარტებში დაწინაურდა. უკანასკნელ 14 წელიწადში ეს არის პირველი შემთხვევა, როცა ცნობილი ჯგუფი ოფიციალური ალბომების ჩარტების ლიდერია.
სამი ათწლეულის წინ ალბომი ჩარტების პირველ ადგილს იკავებდა. 30 წლის იუბილესთან დაკავშირებული დელუქს გამოცემის წყალობით კი ნამუშევარი ჩარტების წამყვან პოზიციას დაუბრუნდა. ახალი გამოცემა აქამდე გამოუქვეყნებელ მასალასაც შეიცავს. მათ შორის არის Monnow Valley-ის მუსიკალური სესიები, Sawmills-ის სტუდიის ჩანაწერები და Sad Song-ის ალტერნატიული სადემონსტრაციო ვერსია.
გამოცემისთანავე ალბომის გაყიდვები პროგრესულად იზრდებოდა. გაყიდული ალბომების 50% ვინილის ფირფიტაა. ამ მონაცემებით Definitely Maybe-ს დელუქს გამოცემამ პირველი ადგილი დაიკავა ოფიციალური ალბომების ჩარტში და ოფიციალური ვინილების ჩარტში.
ჩარტებში ბენდის დაბრუნების პარალელურად ოაზისი 2025 წლის ტურნესათვის ემზადება. აგვისტოს ბოლოს ბენდმა დიდი დაბრუნება დააანონსა. Oasis-ის 2025 წლის ტურნე მოიცავს ისეთ ქალაქებს, როგორებიც არის კარდიფი, მანჩესტერი, ლონდონი, ედინბურგი და დუბლინი.
დიდი მოთხოვნის გამო ჯგუფმა უიმბლდონის სტადიონზე კონცერტების დამატებითი თარიღები დაამატა.
