The Weeknd-ის ახალი ალბომი Hurry Up Tomorrow მალე გამოვა. არტისტმა 9 სექტემბერს განაცხადა, რომ ალბომის პირველი და მთავარი სინგლი, Dancing in the Flames, პარასკევს გამოქვეყნდება.
The Weeknd-მა პირველად სინგლი სან-პაულუში, სპეციალურ შოუში შეასრულა. არტისტმა ასევე ითანამშრომლა ქავერ არტისტ Playboi Carti-სთან, რომელმაც ახლახან მოიპოვა Billboard-ის წლის საუკეთესო არტისტის ჯილდო R&B Hip-Hop Power Players ღონისძიებაზე, ასევე ბრაზილიელ ვარსკვლავ ანიტასთან. The Weeknd-ის ალბომების, After Hours-ის და Dawn FM-ის ტრილოგიის მესამე და ბოლო ნაწილია ალბომი Hurry Up Tomorrow, რომლის გამოსვლაც უახლოეს მომავალში იგეგმება.
სასცენო სახელი The Weeknd – აბელ ტესფაის ეკუთვნის. მისი სინგლის დებიუტი პარასკევს, Apple-ის iPhone 16 Pro-ზე გადაღებულ მუსიკალურ ვიდეოსთან ერთად შედგება.
ვიდეოს კინემატოგრაფისტმა ერიკ ჰენრიკსონმა აღნიშნა, რომ 4K-ში გადაღებული შენელებული კადრები, 120 კადრი წამში, საოცარ გამომსახველობას იძლევა, რისი კარგი მაგალითიც არის კლიპის ეპიზოდი, რა დროსაც The Weeknd წვიმაში დადის.
ვიდეოს რეჟისორი ანტონ ტიმია, რომელიც ასევე მუშაობდა The Weeknd-ის ცნობილ ვიდეოებზე Blinding Lights და Heartless.
იხილეთ The Weeknd-ის მუსიკალური ვიდეოს Dancing in the Flames-ის ეპიზოდი:
