ბრიტნი სპირსი MTV-ის მუსიკალური ვიდეოების დაჯილდოებაზე საბრინა კარპენტერის გამოსვლას გამოეხმაურა. კარპენტერმა მუსიკალური ნომრის დროს უცხოპლანეტელის ფორმაში ჩაცმულ მსახიობს აკოცა. შოუს ამ დეტალზე სიპრსმა ინსტაგრამზე გამოქვეყნებულ ვიდეოში ისაუბრა.
„უყურეთ მუსიკალური ვიდეოების დაჯილდოებას? მე არ მინახავს, მაგრამ Youtube-ზე საბრინა კარპენტერის კადრები ვნახე. რატომ კოცნის უცხოპლანეტელს სცენაზე? მას ვაღმერთებ, ძალიან მიყვარს, მაგრამ ეს ნაწილი ვერ გავიგე. რატომ არ აკოცა გოგოს? ეს უცნაური იყო. მთელი ეს ამბავი უცნაური იყო,” – მიმართა ბრიტნიმ თავის 42 მილიონ გამომწერს.
პოპ-ვარსკვლავმა გაამხილა, რომ დაჯილდოების ღამეს ის „ხანგრძლივი აბაზანის” მიღებით იყო დაკავებული. ასევე ახსენა, რომ გაფერადების თერაპიით არის დაინტერესებული. შემდეგ ბრიტნი კვლავ საბრინა კარპენტერის განხილვას დაუბრუნდა.
„საბრინამ წითელ ხალიჩაზე ჩემი სახელი ახსენა და ვფიქრობ, ეს მაგარია. ხანდახან მავიწყდება, რომ ცნობილი ვარ. რადგან მე დედა ვარ, გარკვეულწილად ხანშიშესული ვარ,” – აღნიშნა ბრიტნიმ.
ბრიტნი სპირსს VMA-ს სცენასთან ბევრი დასამახსოვრებელი მომენტი აკავშირებს. აღსანიშნავია 2003 წლის შოუს დროს მისი და მადონას ცნობილი კოცნა. ამ წელს მადონას შოუს დროს სცენაზე ბრიტნისთან ერთად კრისტინა აგილერაც გამოჩნდა. ამ დროს მადონა ცერემონიაზე ასრულდება თავის ცნობილ სიმღერას Like a Virgin.
ბრიტნი VMA-ზე არაერთხელ გაიხსენეს. ცერემონიის წამყვანმა, რეპერმა Megan Thee Stallion-მა, ბრიტნის 2001 წლის კოსტიუმი მოირგო, რომელიც სპირსს სიმღერის I’m a Slave 4 U შესრულებისას ეცვა. ბრიტნი სპირსი თავად კარპენტერმაც გახსენა. მუსიკალური ნომრისას მის ჰიტებს შორის გაჟღერდა ფრაგმენტი სპირსის ცნობილი ჰიტიდან – Oops!…I Did It Again.
ნახეთ ბრიტნი სპირსის ვიდეო, რომლითაც ის 2024 წლის VMA-ს გამოეხმაურა:
