კვირას, 15 სექტემბერს, ლეგენდარული ბენდის, Jackson 5-ის გიტარისტი ტიტო ჯექსონი 70 წლის ასაკში გარდაიცვალა.
გასაკვირია, თუმცა ჯგუფ Jackson 5-ს გრემი არასდროს მიუღია. მაიკლ ჯექსონს კარიერის განმავლობაში სოლო ნამუშევრებისთვის 13 გრემი ჰქონდა მიღებული.
The Jackson 5-ის კლასიკად აღიარებული სიმღერებია I Want You Back, ABC, და I’ll Be There, რომლებც მოგვიანებით გრემის დიდების დარბაზში შევიდა.
აღსანიშნავია, რომ Jackson 5-ს ჯერ კიდევ არ აქვს მიღებული ხმის ჩამწერი აკადემიის სპეციალური Lifetime Achievement ჯილდო, რომელიც მაიკლ ჯექსონმა 2010 წელს, გარდაცვალების შემდეგ მიიღო.
The Jackson 5 როკ-ენ-როლის დიდების დარბაზში 1997 წელს შევიდა, მოგვიანებით, 2001 წელს კი სოლო შემსრულებლის სტატუსით, როკ-ენ-როლის დიდების დარბაზში მაიკლ ჯექსონი შეიყვანეს.
ნახეთ Jackson 5-ის გრემზე ნომინირებული სამი ჩანაწერი:
ABC (1970)
ნომინირებული იყო დუეტის, ბენდის ან გუნდის საუკეთესო თანამედროვე ვოკალური შესრულებისთვის
გრემი Carpenters -ის სიმღერამ Close to You მიიღო
აღსანიშნავია რომ ორივე საოჯახო ბენდი იმ პერიოდში პოპულარობის ზენიტში იყო. სიმღერა Close to You ბილბორდ 100-ის სათავეში ოთხი კვირის განმავლობაში იმყოფებოდა. 1970 წლის ზაფხულში კი Jakson 5-ის სიმღერა ABC ლიდერობდა, რომელმაც ჩარტების სათავეში ორი კვირა დაჰყო. სიმღერები ABC და Close to You ორივე გრემის დიდების დარბაზშია შეყვანილი.
ცნობილი ფაქტია რომ მაიკლ ჯექსონი ბენდ Carpenters-ის დიდი ფანი იყო.
Dancing Machine (1974)
ნომინირებული იყო დუეტის, ბენდის ან გუნდის მიერ საუკეთესო R&B ვოკალური შესრულებისთვის
გრემი გადაეცა Rufus-ის სიმღერას Tell Me Something Good
J5-ის კარიერაში სიმღერა Dancing Machine მნიშვნელოვანი ჩანაწერია. სიმღერა სამი წლის განმავლობაში არა მხოლოდ მათი ყველაზე პოპულარული ჰიტი იყო, არამედ საუკეთესო მაგალითი ბენდის მუსიკალურად გაზრდისა. Hot 100-ში სიმღერამ Ray Stevens-ის ს ჰიტის The Streak-ის შემდეგ, მეორე ადგილი დაიკავა.
ალბომი Triumph (1980)
ნომინირებული იყო დუეტის, ბენდის ან გუნდის მიერ საუკეთესო R&B ვოკალური შესრულებისთვის
გრემი ამ წელს Manhattans-ის სიმღერა Shining Star-მა მიიღო
ალბომმა Triumph-მა ბილბორდ 200-ში მეათე ადგილი დაიკავა. თუმცა, უნდა ითქვას, რომ იმ პერიოდში Manhattans-ის სიმღერა Shining Star მეხუთე ადგილზე იყო. ძველი სკოლის R&B ვოკალური ჯგუფის Manhattans-ის სიმღერა Kiss and Say Goodbye კი ბილბორდ 200-ში 1976 წელს პირველ ადგილს იკავებდა.
