გვენ სტეფანიმ გაამხილა, რომ მისი მეხუთე სტუდიური ალბომი, სახელწოდებით Bouquet 15 ნოემბერს გამოვა. მომღერალმა ასევე გაასაჯაროვა ალბომის ყდის ვიზუალი და ტრეკლისტი. ალბომის გარეკანზე გვენ სტეფანია აღბეჭდილი. ფოტოზე ვარსკვლავი ქაუბოის ქუდით და ყავისფერი კოსტიუმით საწოლზე წევს და ხელში თეთრი ყვავილი უკავია. ალბომი 10 სიმღერისაგან შედგება. მათ შორის არის უკვე გამოქვეყნებული სინგლი Purple Irises, რომელიც სტეფანიმ თავის ქმართან, ბლეიკ შელტონთან ერთად ჩაწერა. ალბომის წამყვანი სინგლი არის სიმღერა Somebody Else’s, რომელიც 20 სექტემბერს გამოვა.
my fifth studio album, ‘Bouquet’, will be in full bloom on November 15th 💐
— Gwen Stefani (@gwenstefani) September 18, 2024
pre-order ‘Bouquet’ available NOW exclusively on my online store, including a limited edition blue vinyl. the first single, ‘Somebody Else’s,’ will be available everywhere starting TOMORROW at 9pm PST /… pic.twitter.com/3NGVqTIqQi
ბოლო ალბომები, რომლებიც გვენ სტეფანიმ წარადგინა, იყო 2016 წლის This Is What the Truth Feels Like და 2017 წლის საშობაო ალბომი You Make It Feel Like Christmas. სწორედ This Is What the Truth Feels Like იყო მომღერლის პირველი ალბომი, რომელმაც Billboard 200-ის ჩარტში პირველი ადგილი დაიკავა.
არტისტის შემოქმედებით კარიერაში 2024 წელი მნიშვნელოვანი პერიოდი იყო. წელს გვენ სტეფანი თავისი ძველი ბენდის, No Doubt-ის წევრებთან, ბასისტ ტონი კანალთან, გიტარისტ ტომ დუმონტთან და დრამერ ადრიან იანგთან კოაჩელას ფესტივალისათვის გაერთიანდა.
ასევე, 2024 წელს, გვენ სტეფანის ჰოლივუდის დიდების ხეივანში ვარსკვლავიც გაუხსნეს.
